Vrasjet trondisin vendin! Në 3 muajt e parë të vitit 233 vetë u kapën me armë pa leje! Zv.ministri i Brendshëm, Lamallari: Edhe në Evropë ka shifra serioze të krimit

Në tre muajt e parë të vitit 2021 policia ka arrestuar 233 persona me armë pa leje. Por pavarësisht këtyre shifrave, krimi qendron në nivele të larta. Pjesa më e madhe e autorëve disponojnë armë që prej vitit 1997 kur edhe u hapën depot.

RASTET E ARMËMBJTJES PA LEJE JANAR - MARS 2021

JANAR – 74 RASTE ME ARMË PA LEJE

SHKURT – 77 RASTE ME ARMË PA LEJE

MARS – 82 RASTE ME ARMË PA LEJE

Megjithatë për zv/ministrin e Brendshëm, Besfort Lamallari, fushatat e dorëzimit të armëve kanë funksionuar. Sipas tij vigjilnca për armët në vendin tonë është e lartë.

'Ka pasur dhe më herët fushata për dorëzim armësh, kanë funksionuar, Policia e Shtetit ka shifra konkrete dhe sisteme menaxhimi të personave me armë me dhe pa leje. Edhe vendet e Bashkimit Evropian kanë raste të tilla, kanë shifra serioze të krimit', shprehet zv/ministri i Brendshëm, Besfort Lamallari.

Ndërkohë deri në 8 qershor shifrat e vrasjeve janë të frikshme. E njëjta periudhë e këtij viti e krahasuar me atë të vitit të kaluar ka regjistruar 14 të vrarë më shumë, me totalin prej 34 viktimash, ndërsa nga janari 2020 deri në 8 qershor 2020 janë regjistruar vetëm 20 viktima nga vrasjet, në atentate, krim brenda familjes dhe krim për motive të dobëta. Në vetëm tetë ditët e fundit janë regjistruar tetë ngjarje kriminale, me tetë viktima.

VRASJET NË TETË DITËT E QERSHORIT

1 QERSHOR - vritet Çajup Selimi në Tepelenë

2 QERSHOR - vritet Shkëlzen Velaj në Vlorë

2 QERSHOR - vritet Hirakli Qorri në Lushnje

4 QERSHOR - vritet Kudret Saliaj në Tiranë

6 QERSHOR - vritet Diana Vukaj në Shkodër

6 QERSHOR - vritet Gramoz Memaj në Sarandë

7 QERSHOR - vritet Lumturie Bici në Librazhd

8 QERSHOR - vritet Ylber Xhahysa në Peqin

Në fillimin e pandemisë nga Covid, shifrat e krimit ranë, pormarsin 2020 në dhe marsin 2021 ato u  rikthyen në të njejta nivele krahasuar me vitet 2017-2019.  

Referuar shifrave zyrtare të Policisë së Shtetut, në mars të 2020 u regjistruan 1,714 vepra penale, një shifër e ulët e cila nuk ishte parë më herët.

Pothuajse me të njëjtin trend u mbyllën edhe muajt e tjerë pasardhës të 2020-ës, deri në përmbylljen përfundimtare të vitit.

Me nisjen e vitit 2021, kur edhe normaliteti filloi të rikthehej në popullatë, krimi u rikthye sërish, me të njëjtat përmasa si vitet e shkuara, për të mos thënë edhe më i egër, sidomos për vrasjet me dashje.

Marsi i vitit 2021 regjistroi 2,534 vepra penale, një rritje e madhe e krahasuar me marsin e fillimit të pandemisë. Thënë ndryshe, 820 vepra penale më shumë se e njëjta peridhë e një viti më parë.

Po t’a krahasosh me vitet e kaluara 2017, 2018 dhe 2019, jemi pothuajse në të njëjtat kuota, me pak pikë përqindje më e ulët.

VEPRAT PENALE MARS 2017 - MARS 2021

Mars 2017 - 2,721 vepra penale

Mars 2018 - 2,796 vepra penale

Mars 2019 - 2,942 vepra penale

Mars 2020 - 1,714 vepra penale

Mars 2021 - 2,534 vepra penale

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet