Vrau gruan, djalin me aftësi të kufizuara, 2 pronarët e apartamentit ku jetonte dhe më pas qëlloi veten, në gjendje të rëndë shëndetësore autori 83-vjeçar italian

Foto nga vendi i ngjarjes

ITALI- Një ngjarje e rëndë ka tronditur Italinë, pasi një 83-vjeçar, Renzo Tarabella me një armë zjarri, vrau gruan e tij, djalin me aftësi të kufizuara dhe dy bashkëshortët e moshuar, pronarë të apartamentit në të cilin jetonte, në Torino.

Sipas mediave italiane, kur karabinierët u përpoqën të hynin në shtëpi me ndihmën e zjarrfikësve, burri qëlloi me të njëjtën armë edhe veten, duke u plagosur rëndë.

Ngjarja e rëndë u zbuluar fillimisht nga vajza e bashkëpronarëve, e cila pasi prindërit e saj nuk i përgjigjeshin telefonatave të saja, vendosi t’i vizitonte, por sërish nuk mori asnjë përgjigje, gjë që e bëri të alarmohej dhe të lajmëronte policinë.

Trupat e pajetë të Katër viktimave, gruaja e Trabellas, 79-vjeçarja Rosaria Valovatto, djali me aftësi të kufizuara 51 vjeç dhe pronarët e shtëpisë Osvaldo Dighera, 74 vjeç dhe Liliana Heidempergher, 70 vjeç, u gjetën nga karabinierët pas përpjekjeve intensive për të hyrë në apartament, rreth orës 3 të mëngjesi.  

Autori i vrasjes së katërfishtë, i cili në momenti që zbuloi se karabinierët po mundoheshin të hynin në shtëpi qëlloi dhe vetën, aktualisht gjendet në spital në një gjendje të rëndë shëndetësore.

Ende nuk janë bërë me dije arsyet të cilët kanë shtyrë autorin të kryejë këtë krim makabër.

J.GJ./Shqiptarja.com
  • Sondazhi i ditës:

    A mund ta bëjë SPAK vettingun e politikanëve?

Komento


×

Lajmi i fundit

John

Akuzat e Berishës se Basha është marrë peng nga Rama, Çupi në Report Tv: Nuk bëhet fjalë, 3 propozimet për ndryshimin e kushtetutës i kemi artikuluar gjithmonë