Vlore- Pronari i hotel “Greccia” në Dhërmi, Gerald Shehu e kishte planifikuar vrasjen e recepsionistit, Erald Nevruzi. I riu kishte vetëm një javë që kishte filluar punë në hotelin ku gjeti vdekjen, por nga të dhënat hetimore mësohet se ata mund të kenë pasur njohje më parë në Angli. Atje dyshohet se ka lindur konflikti për trafik droge, por gjithsesi kjo piste ende nuk është përfundimtare. Burimet thane se pista e dytë është ajo e konfliktit për punën në hotel.
Krimi makabër i vrasjes dhe fshehjes së kufomës ndodhi pak pas mesnatës së 5 qershorit duke u gdhirë 6 qershori.
Gerald Shehu e qëlloi me dy plumba pistolete recepsionistin 31-vjecar në shkallët e hotelit, tërhoqi trupin zvarrë deri në katin e nëndheshëm, siç shihet dhe nga gjurmët e gjakut në dysheme, ku kreu gjithë planin për fshehjen e trupit.
Në këtë krim kanë marrë pjesë si bashkëpunëtor, dy punëtorë të hotelit, Daniel Qosja dhe David Larti, të cilët janë arrestuar nga policia. Nga dëshmia e tyre është zbardhur gjithë dinamika e ngjarjes së rëndë. Po kështu sot është gjetur trupi i pajetë i viktimës në zonën e Gjipesë pranë një guroreje.
Të arrestuarit kanë deklaruar se pronari i ka detyruar ta ndihmojnë për zhveshjen e kufomës, djegien e rrobave në furrën e picave. Më pas pronari me ndihmën e punëtoreve e ka mbështjellë trupin e viktimës me plastmas e çarçafë dhe e kanë futur në bagazhin e makinës. Autori i krimit është larguar drejt Gjipesë ku ka hedhur trupin e pajetë të recepsionistit.
Pas krimit, Shehu ka udhëtuar drejt Greqisë rreth 4 orë pas krimit, ç’ka ka pasur kohë të ndërrohej në shtëpi dhe te merrte pasaportën. Me makinën “Audi A8” ka udhëtuar deri në Sarandë, pastaj ka fshehur makinën dhe ka udhëtuar me taksi për në doganën e Qafë Botës. Nga aty drejt Korfuzit, ku u kap nga policia greke, në tentativë për tu arratisur në Angli, ku dhe jetonte.
Burime nga policia thanë se është dërguar dokumentacion dhe pritet ekstradimi në Shqipëri i Gerald Shehut. Policia e Vlorës ka sekuestruar shumë prova materiale dhe ka mbledhur dëshminë e turisteve ne hotel dhe vjehrrës se autorit, bashkëpronare e hotelit. Të gjitha këto çuan në zbardhjen e shpejtë të ngjarjes, por ende nuk është gjetur arma e krimit.
Komente
Lajme të tjera
-
Albcontrol 39,7 milionë lekë për pajisjet e Kullës së Kontrollit në Aeroportin e Vlorës
26 Dhjetor, 15:35 -
Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim
26 Dhjetor, 15:20 -
Zyrtare/ Bruno Telushi rikthehet në shtëpi pas 7 vitesh, firmos me Flamurtarin
26 Dhjetor, 10:55 -
Krimi në familje në Sarandë, e arrestuara shtang hetuesit: Tentova ta vrisja dhe më parë bashkëshortin, nuk kisha arsye!
25 Dhjetor, 15:53
-
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Vlorë/ Plagosi me thikë 19 vjeçarin, arrestohet 44 vjeçari! I riu te Trauma
23 Dhjetor, 17:58 -
Vlorë/ Sekuestrohen rreth 32 mijë euro cash në port, procedohen 2 shoferët! Ishin fshehur në sediljen e autobusit të agjencisë së udhëtimit
23 Dhjetor, 16:09 -
Selenicë, Guri Selimi rrezikon jetën, prej vitesh i braktisur! 77-vjeçari pa strehë, pa ushqim e veshje endet rrugëve
23 Dhjetor, 10:08
-
Moti i keq, frika nga reshjet e dendura, bashkia Vlorë bën thirrje qytetarëve: Mos parkoni makinat në këto zona
23 Dhjetor, 09:09
