POP 5

Lajmet më të lexuara të 5 minutave të fundit

Media

Vriten dy gazetarë në Pakistan

Një gazetar i shquar pakistanez është gjetur i vdekur të mërkurën para shtëpisë së tij në jug të qytetit më të populluar pakistanez, Karaçi. Ky është sulmi i dytë vdekjeprurës ndaj punonjësve të mediave në dy ditët e fundit.
Vriten dy gazetarë në Pakistan
KARACHI (AA) – Një gazetar i shquar pakistanez është gjetur i vdekur të mërkurën para shtëpisë së tij në jug të qytetit më të populluar pakistanez, Karaçi. Ky është sulmi i dytë vdekjeprurës ndaj punonjësve të mediave në dy ditët e fundit, raporton Anadolu Agency (AA).

Aftab Alam,  gazetari 42-vjeçar i cili kishte punuar për televizionin privat informativ Geo TV, është qëlluar në kokë para shtëpisë së tij, njoftoi shefi i policisë në Karaçi, Feroz Shah.

Dëshmitarët okularë pretendojnë se dy persona të paidentifikuar kanë qëlluar Alam ndërsa ishte duke hyrë në veturën e tij.

Akoma nuk ka ndonjë indikacion në lidhje me motivet e vrasjes, por grupet e të drejtave të mediave besojnë se kjo është pjesë e një serie vrasjesh të vazhdueshme ndaj punonjësve të mediave.

Gjithashtu, të martën, disa persona të armatosur qëlluan furgonin, gjithashtu në pronësi të Geo TV në rrugën më të frekuentuar në Karaçi, duke vrarë një inxhinier dhe e lanë të plagosur shoferin.  Përgjegjësinë mbi këtë sulm nuk e ka marrë përsipër askush.

"Kriminelët kryejnë terror ndaj gazetarëve, por qeveria ka dështuar për të na mbrojtur. Qeveria lëshon deklarata të zakonshme ku solidarizohet me familjet e të vrarëve dhe zotohet se do të sjellë vrasësitë para drejtësisë, por praktikisht asgjë nuk është bërë", tha për AA Idrees Bhaktiar, kryetar i Unionit Federal të Gazetarëve në Pakistan.

Geo TV edhe më parë ishte i ndaluar në Pakistan, për shkak të konfliktit me agjencinë e inteligjencës Inter-Service.

Pakistani është një nga shtetet më të rrezikshme për gazetarët me rreth 100 të vrarë që nga vitit 2000.

Redaksia Online
(a.a/Shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dritan HIla: Doktori që nuk harron vesin

Dritan HIla: Doktori që nuk harron vesin

5 Nëntor, 19:14 nga Dritan Hila