Vritet kosovari në luftën për Xhihad 
Nga studimet në Egjipt drejt Sirisë

SIRI - Në luftën e Sirisë mësohet se ka humbur jetën një i ri shqiptar nga Kosova. Bëhet fjalë për 26 vjeçarin Rexhep Morina. Lajmi u bë i ditur nga burime të afërta të familjes së të vrarit nga fshati Drenoc i Malishevës.

Rexhepi bëhet e ditur se para disa viteve kishte shkuar për studime në Egjipt, dhe prej aty duket të jetë përfshirë në luftën e Sirisë.

Familja Morina, lajmin për vrasjen e djalit të tyre, mësohet se e ka marrë vesh gjatë ditës së djeshme, kur dy persona me mjekër, janë shfaqur tek shtëpia e tyre, dhe i kanë njoftuar duke u thënë se, “djali u ka rënë shehid”. /Gazeta Express/

Redaksia Online
(d.a/Shqiptarja.com)