Sipas policisë, dy persona, ekzekutuan me armë zjarri, pistoletë avokatin Michalis Zafeiropoulos në rrugën “Asklepios”, në qendër të Athinës.
Sekretaria e avokatit Zafeiropoulos i tha policisë se, dy ekzekutorët kishin lënë takim me avokatin dhe qëndruan për disa minuta në hollin e zyrës dhe sipas sekretares ekzekutorët nuk ishin të maskuar dhe nuk flisnin mirë greqisht.
Ekzekutorët larguan sekretaren nga zyra dhe më pas kanë qëlluar avokatin, i cili gjeti vdekjen e menjëhershme, raporton polica e Athinës.
Gjithashtu policia ka deklaruar se po heton disa pista lidhur me ngjarjen, ndërkohë që nuk përjashtohet edhe pista e vrasjes me porosi.
Avokati Michalis Zafeiropoulos ka marrë pjesë në disa prej gjyqeve më të rëndësishme të ndodhura vitet e fundit në Greqi, ku janë përfshirë disa emra të njohur të politikës greke.
Redaksia Online
Er.K/Shqiptarja.com
![](https://www.shqiptarja.com/template/img/sh_logo1.png)