POP 5

Lajmet më të lexuara të 5 minutave të fundit

Sport

Vritet në mes të Vienës ish-futbollisti i Austrisë

Ish-futbollisti i kombëtares austriake të futbollit, 43-vjeçari Volkan Karaman u vra dje në mes të një rruge në Vienë pas një debati në një restorant.

Vritet në mes të Vienës ish-futbollisti i Austrisë

Volkan Karaman

Ish-futbollisti i kombëtares austriake të futbollit, 43-vjeçari Volkan Karaman u vra dje në mes të një rruge në Vienë pas një debati në një restorant. Karaman është konfliktuar verbalisht me shokun e tij në bar dhe më pas dy personat kanë dalë në rrugë. Shoku i Karaman ka nxjerrë befas armën dhe e ka qëlluar në kokë.

Pasi qëlloi Karaman, autori kreu vetëvrasje. Mediat në Austri nuk bëjnë me dije shkakun e një konflikti të tillë momental, çka solli tragjedinë. Dëshmitarët e pyetur nga policia janë shprehur të tronditur sesi diçka e tillë mund të ndodhë në mes të Vienës.

Karaman në vitet '90 konsiderohej si shpresa e futbollit austriak. Ai e filloi karrierën e tij profesionale te Feyenoord Rotterdam,në moshën 17-vjeçare dhe në vitin 1998 u transferua në Excelsior Rotterdam, gjithashtu në elitën holandeze, ku luajti për tre sezone.

Pas dy sezoneve të suksesshme në Bundesligën austriake, Karaman u ftua në kombëtaren austriake, për të cilën luajti tre ndeshje në vitin 2002. Ai doli në "pension" në vitin 2010 pas disa vitesh pjesëmarrje në ligat e ulëta austriake.

Karaman ka lindur në Vienë në një familje emigrantësh turq dhe në vitin 2017 ishte kandidat i Partisë Popullore Austriake (OVP) në zgjedhjet parlamentare, por nuk pati sukses.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Bala pyet Kullurin nëse 'Djathtas 1912' do bëjë koalicion me PD-në: Vetëm nëse Berisha nuk është kandidat për kryeministër

Bala pyet Kullurin nëse 'Djathtas 1912' do bëjë koalicion me PD-në: Vetëm nëse Berisha nuk është kandidat për kryeministër

14 Janar, 18:10