Vuçiç: Serbia po përballet me presione të vështira! Kurti ka të drejtë kur thotë se unë flas vetëm për Asociacionin

Vuçiç: Serbia po përballet me presione të vështira! Kurti ka të drejtë kur thotë se unë flas vetëm për Asociacionin

Presidenti serb, Aleksandër Vuçiç

Presidenti serb, Aleksandër Vuçiç ka deklaruar se Serbia do të përballet me presione të vështira nga ndërkombëtarët. I pyetur nga një gazetar lidhur me kërkesën e deputetëve në Bundestagun gjerman të cilët kërkojnë tërheqjen e njohjes së pavarësisë së Kosovës, Vuçiç tha se diçka e tillë nuk është e vërtetë sepse pasi Gjermania udhëhiqet nga Olaf Scholz.

“Por, ne sigurisht do të përballemi me presione të vështira. Ka pasur shumë të pavërteta e gënjeshtra ditëve të fundit, pasi shumë ishin të zemëruar dhe po shpresonin që unë do të firmosi diçka dhe të mund të thonin se Serbia ka humbur. Por, ata kurrë nuk kanë qenë të shqetësuar për Serbinë, por për kolltukët e tyre dhe arkat e plota të cilat nuk i meritojnë”, ka thënë Vuçiq për gazetarët nga Doha.

Ai tha se pavarësisht presioneve të vështira, situata sot është më ndryshe duke këmbëngulur se 27 shtete sipas tij e kanë tërhequr njohjen e Kosovës. Sa i takon deklaratës së Kurtit i cili tha se Vuçiç flet vetëm për Asociacionin, presidenti serb u përgjigj duke thënë se thjesht i përmbahej marrëveshjeve të nënshkruara.

“Unë kam problem në të folur, ka të drejtë Kurti, qëndroj pas të drejtës ndërkombëtare, qëndroj prapa Kartës së OKB-së dhe i përmbahem marrëveshjeve të nënshkruara”, tha Vuçiç.

Në 27 shkurt, Kurti dhe Vuçiç u takuan në Bruksel ku pavarësisht se nuk pati një marrëveshje të firmosur, pati një dakordësi mes palëve për të pranuar propozimin franko-gjerman si zgjidhjen e vetme për normalizimin e marrëdhënive mes Serbisë dhe Kosovës.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

'Opozita me dy fytyra përballë drejtësisë'/ Veliaj: PS e vetmja forcë që di të bëjë shtet

'Opozita me dy fytyra përballë drejtësisë'/ Veliaj: PS e vetmja forcë që di të bëjë shtet