POP 5

Lajmet më të lexuara të 5 minutave të fundit

Kosova & Rajoni

Vulin: Kryetarët e Listës Serbe
do të betohen me ligjet e Kosovës

“Kryetarët e listës Serbe do të bëjnë betimin në bazë të ligjeve përmes së cilave edhe janë zgjedhur. Betimi është neutral ndaj statusit, nuk përmendet Republika e Kosovës, e as ndonjë përcaktim tjetër", ka thënë minisri serb Aleksander Vulin.
“Kryetarët e listës Serbe do të bëjnë betimin në bazë të ligjeve përmes së cilave edhe janë zgjedhur. Betimi është neutral ndaj statusit, nuk përmendet Republika e Kosovës, e as ndonjë përcaktim tjetër. Kjo për ne është krejtësisht e pranueshme. Betimi do të bëhet para zgjedhësve të cilët kanë marrë pjesë në zgjedhjen e kryetarëve të komunave”, ka thënë Aleksander Vulin, Ministri pa Portofol në Qeverinë e Serbisë, raporton B92.

Këto komente, Vulin i bëri pas takimit me kryetarët e zgjedhur të Listës Serbe, të cilët gjithsejtë morën nëntë komuna në zgjedhjet e fundit lokale në Kosovë.

Ai ka thënë gjithashtu se Bashkësia e Komunave Serbe në Kosovë është suksesi më i madh i popullatës serbe dhe formimi i saj, sipas tij, “duhet të ndodhë më së largu deri në fund të janarit apo në fillim të shkurtit”.

“BKS është diçka për të cilën është arritur pajtim dhe është paraparë, dhe është një procesi i cili thjesht nuk mund të ndalet më”, ka shtuar Vulin.

Ministri Vulin ka thënë gjithashtu se kjo Bashkësi nuk do të jetë OJQ, “siç kanë deklaruar disa në Prishtinë”, duke shtuar se BKS do të jetë pikërisht ashtu siç është dakorduar në Bruksel, vendime të cilat, sipas tij, nuk mund t’i ndryshojë as Prishtina e as Beogradi.

VULIN NE GRACANICE
Ministri serb pa portofol, i angazhuar për Kosovën, Aleksander Vulin do të qëndrojë sot në Graçanicë. Sipas medieve serbe, Vulin do të takohet me kryetarët e porsazgjedhur të komunave nga Lista ”Sërpska”.

Mbledhja dhe një tribunë e organizuar po sot, ku do të marrin pjesë edhe këta përfaqësues, do të mbahen në Shtëpinë e Kulturës në Graçanicë.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

15 Janar, 22:11