POP 5

Lajmet më të lexuara të 5 minutave të fundit

Kosova & Rajoni

Vulin:Serbia s'heq dorë nga Trepça:
'Nuk privatizohet pa na pyetur ne'

Serbia, përmes ministrit të saj për Kosovën,  Aleksandar Vulin ka theksuar se ky “kombinat nuk mund të privatizohet pa biseduar me palën serbe, udhëheqjen, punëtorët dhe kreditorët”.
BEOGRAD - Serbia, përmes ministrit të saj për Kosovën,  Aleksandar Vulin ka ftuar kreditorët e “Trepçës”, që deri më 3 dhjetor të paraqiten te shteti serb për t’u mbrojtur të drejtat e tyre  dhe ka shtuar se ky “kombinat nuk mund të privatizohet pa biseduar me palën serbe, udhëheqjen, punëtorët dhe kreditorët”.

Ai ka përsëritur se Serbia nuk heq dorë nga qëndrimi, se nuk e njeh privatizimin në Kosovë, i cili sipas tij është bërë sipas parimit nacional, njofton Blic.

"Kjo është e papranueshme për ne dhe nuk mund të jetë e pranueshme as për bashkësinë evropiane e as për askënd tjetër, sepse askund në botë privatizimi nuk bëhet në baza nacionale, por ai që e ka krijuar pasurinë duhet të jetë pjesë e ndarjes  së saj“.

Serbia, fundja, ka thënë Vulin kërkon që shumë shpejt të fillohet me bisedime për pasurinë për t’i zgjidhur të gjitha çështjet dhe për të kompensuar serbët në Kosovë për privatizimin që është bërë pa pjesëmarrjen e tyre.

"Trepça“ është gjithsesi kombinati më i rëndësishëm ekonomik, duhet të kemi kujdes për të dhe nuk guxojmë të lejojmë që ai edhe më tej të jetë në ristrukturim për shkak të borxheve që ka ndaj ekonomisë serbe”, ka thënë ai.

Ai ka sqaruar se kreditorët mund t’i paraqiten shtetit, Odës Ekonomike dhe grupit punues që është formuar për këtë rast. 

Vulin ka njoftuar se është bërë përshkrim vëllimor i regjistrimit të pasurisë në Kosovës në 7.000 faqe dhe këto së shpejti do t’i paraqiten opinionit.

Marrë nga "Koha Ditore"

Redaksia Onlin
(mag/shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50