VV-ja shpall fitoren në Mitrovicë Veriore dhe Leposaviç, PDK-ja fiton Zubin Potokun dhe Zveçanin

Lëvizja Vetëvendosje ka shpallur fitoren e tij në Mitrovicën Veriore dhe në Leposaviq. Ndërsa në dy komunat tjera sipas rezultateve preliminare prin Partia Demokratike e Kosovës. Kandidati i Lëvizjes Vetëvendosjes, Erden Atiq, në një prononcim për media ka thënë se kanë dal fitues dhe i njëjti ka falënderuar të gjithë qytetarët.

“Kom dal si fitues i këtyre zgjedhjeve. I falënderoj te gjithë qytetaret dhe ata që kane punu. Komisionarët, vëzhguesit. Po na presin pune të shumta përparen. Apeloj që të gjithë qytetarët që të kenë besim në institucionin e komunës dhe në mua si kryetar.” – ka thënë ai.

LEXO EDHE:
Rritet presioni ndaj Kosovës për themelimin e Asociacionit

Ndërsa për sfidat që e presin si kryetari i komunës, Atiq ka thënë se është i vetëdijshëm dhe i përgatitur për të gjitha.

“Jemi të vetëdijshëm dhe të përgatitur, jam kryetar i të gjithëve. Me padurim po e presim bashkëpunimin me të gjithë qytetarët, fshatrat dhe komunitetet e tjera.” – ka thënë ai.

Në anën tjetër, sipas rezultateve preliminare, në Komunën e Zubin Potokut, fitues është kandidati Izmir Zeqiri nga radhët e PDK-së ku deri me tash ka marrë 196 nga 385 vota në total. Pas tij renditet Flatron Hasani i Lëvizjes Vetëvendosje me 180 vota.

Lajmi kryesor:

Mbyllen zgjedhjet në veri të Kosovës, serbët bojkot, vetëm 3.47% votojnë! ‘Vetëvendosja’ fiton në dy komuna, dy të tjerat i merr PDK (REZULTATET)

K.T./Shqiptarja.com

TAG:
• kosove
• lista serbe
• zgjedhjet ne veri te kosoves
• veriu i kosoves