Webi “masakron” serialin
e Xhuvanit “Në kërkim të kujt”

Sapo ka mbaruar seriali televiziv me regji të Gjergj Xhuvanit “Në kërkim të kujt”, të dielën në mbrëmje në Top Channel dhe në facebook “shpërthen” debati që masakron filmin.
Të gjithë komentet shprehin hapur pakënaqësinë ndaj serialit shqiptar, duke kritikuar zymtësinë, skenarin (e Dhimitër Xhuvanit), lojën e aktorëve (edhe pse më të mirët dhe më të famshmit e skenës shqiptare). “Film depresiv”, “lojë e dobët e aktorëve”, “regji amatore”... më keq se kaq, nuk mund të flitej për një film.

Çfarë trajtoi seriali “Në kërkim të kujt!”

Realiteti shqiptar pas viteve ’90 eshte ky subjekti i filmit artistik me 10 seri, qe po prodhohet nga TCH. Me skenar te Dhimiter e Gjergj Xhuvanit dhe regji te ketij te fundit, filmi me titull “Ne kerkim te kujt!!!” trajton historine e nje familjeje ne Tirane ne vitet e para te pluralizmit.
Ashtu sikurse mijera familje shqiptare, ajo behet viktime e nje plage te shoqerise vendase: fajdet. Kjo drame shkakton problematikat, qe shtyjne drejt krimit, duke cuar keshtu personazhet te perballen me drejtesine, e duke i dhene filmit ngjyrat e nje drame policore. Kasti i aktoreve perbehet prej rreth 80 personave duke nisur nga Kastriot Caushi, Luiza Xhuvani, Ndricim Xhepa, Monika Lubonja, Elidon Fino, Margarita Xhepa, Niko Kanxheri, deri tek emrat me te rinj te kinematografise vendase.
Aktori Caushi interpreton ne rolin e hetuesit te policise gjyqesore, Almir Bali, qe do te kerkoje te zbardhe enigmen e krimit, rreth se ciles zhvillohet ngjarja e filmit. “Almiri eshte drejtuesi i gjithe grupit te xhirimit. Eshte nje personazh i vecante dhe eshte nje pergjegjesi shume e madhe ne kete investim shume te madh”, eshte shprehur aktori Kastriot Caushi.
Ndricim Xhepa luan rolin e nje biznesmeni, te cilit i duhet te mbijetoje gjate periudhes se tranzicionit. “Personazhi eshte nje biznesmen qe ka peshtjellimet e veta dhe kontradiktat e veta. Peshtjellon veten dhe personazhet e tjere te filmit”, tha Xhepa. Kastit vendas, i eshte bashkuar edhe aktori shqiptar nga Kosova, Luan Jaha. “E ndjej veten te privilegjuar qe marr pjese ne nje projekt kaq prestigjoz. Ka qene endrra ime te jem pjese e aktoreve ne nje film te Xhuvanit”, pohoi Jaha.
“Ne kerkim te kujt!!!” u realizuar nga nje staf profesional italian dhe shqiptar, duke perdorur teknologjine e larte te Top Channel. Ky film artistik, është i pari ne gjinine e tij ne historine televizive shqiptare.

TAG:
• gjergj xhuvani