Ministrja Xhaçka pret zëvendëskryeministrin dhe njëherazi ministrin e Mbrojtjes të Kroacisë z. Krstičević: Bashkëpunim për modernizimin e FA. Shqipëria dhe Kroacia shprehën gatishmërinë për të çuar më tej bashkëpunimin dypalësh në fushën e Mbrojtjes, por edhe për ndihmën reciproke në rastet e fatkeqësive natyrore.
Në 9 - vjetorin e anëtarësimit në NATO të të dy vendeve, ministrja e Mbrojtjes Olta Xhaçka priti në Tiranë zëvendëskryeministrin, njëkohësisht ministër i Mbrojtjes i Republikës së Kroacisë Damir Krstičević, i cili po zhvillon një vizitë dyditore në vendin tonë. Ministrja Xhaçka, i cilësoi Shqipërinë dhe Kroacinë si aleatë të dallueshëm dhe të besueshëm të NATO, si dhe vlerësoi kontributin e dy vendeve në gjithë angazhimet e Aleancës. Xhaçka shprehu mirënjohjen për vëmendjen që Kroacia i ka kushtuar Republikës së Kosovës, duke e bërë pjesë të nismave rajonale.
Dy personalitetet shprehën gatishmërinë për rritjen e bashkëpunimit, si dy vende që janë faktorë qëndrueshmërie në Ballkanin Perëndimor. Ministrja Xhaçka e njohu bashkëbiseduesin e saj me synimet e vendit tonë për modernizimin Forcave të Armatosura, si dhe diskutoi edhe për rritjen e kapaciteteve të tyre. “E njoha bashkëbiseduesin tim me synimet për modernizimin Forcave të Armatosura. Në këtë kontekst stafet tona të do shohin mundësinë e zhvillimit të një plani bashkëpunimi, duke vlerësuar fushat praktike dhe ushtarake të
konvergjencës midis institucioneve tona dhe Forcave të Armatosura. Arsimi, trajnimi dhe stërvitjet e përbashkëta do të jenë fushat e mundshme dhe shumë frytdhënëse.”- theksoi ministrja. Pjesë e diskutimeve ishte edhe ndihma reciproke në rastet e fatkeqësive natyrore, nga të cilat Shqipëria dhe Kroacia janë prekur së fundmi.
Zëvendëskryeministri, njëherazi ministri i Mbrojtjes i Kroacisë përkrahu ngritjen e Qendrës së Ekselencës së NATO për studimin e fenomenit të luftëtarëve të huaj, terroristë, për të cilën ministrja Xhaçka e ftoi që vendi i tij të kontribuojë në mirëfunksionimin e kësaj qendre. Zyrtari i lartë kroat vlerësoi angazhimin e Shqipërisë në të gjitha operacionet e NATO-s, si dhe ofroi mbështetje dhe bashkëpunim konkret në fushën e mbrojtjes. “Jemi të gatshëm dhe ofrojmë mbështetjen tonë që në të ardhmen e afërt të bëjmë policimin ajror të hapësirës shqiptare. 12 avionët që ne do të marrim deri në vitin 2022 nga aleati ynë , Izraeli, do na mundësojnë ne që të rrisim kapacitetin tonë për misione të tilla.”- u shpreh zoti Krstičević. Ministrja Xhaçka vlerësoi propozimin, duke u shprehur se do të diskutohet në të ardhmen.
Në përfundim të takimit mes dy delegacioneve, dy zyrtarët dhanë nga një deklaratë për mediat e pranishme.
Shqipëria dhe Kroacia janë aleatë të dallueshëm dhe të besueshëm të NATO-s. Mirënjohje Kroacisë për mbështetjen që i ka ofruar Kosovës në nismat rajonale. Prioriteti ynë është avancimi i bashkëpunimit rajonal mes Shqipërisë dhe Kroacisë dhe promovimi i stabilitetit politik, sigurisë dhe prosperitetit ekonomik. Ka një plan bashkëpunimi për modernizimin e Forcave të Armatosura. Në fokusin tonë janë arsimi, trajnimi dhe stërvitjet e përbashkëta. Shqipëria dhe Kroacia janë përkrah në misionet e NATO-s. Mirëpresim kontributin e Kroacisë në Qendrën e Ekselencës.
Ministrja e Mbrojtjes, Olta Xhaçka
Lajme të tjera
-
Të ikur nga mobilizimi e persekutimi rus, çeçenët arrijnë në kufirin mes Bosnjës e Kroacisë
12 Nëntor, 09:12 -
Begaj dekreton ambasadoren e Kroacisë (EMRI)
5 Nëntor, 16:38 -
Sylvinho e afroi në ekipin e parë, mesfushori i Kombëtares dëmtohet dhe mbyll vitin
1 Nëntor, 10:42 -
Samiti Ukrainë-Europa Juglindore, Rama mbërrin në Dubrovnik! Takim me liderët e rajonit dhe presidentin Zelensky
9 Tetor, 16:25 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Shkaktoi aksidentin në Kroaci ku humbën jetën motër e vëlla, shqiptarja dënohet me katër vite burg
2 Tetor, 08:58 -
Basha ngre çështjen 'Salianji' në Këshillin e Europës në Strasburg: Të çojmë përpara vetting-un në politikë, të bllokuar nga mazhoranca
30 Shtator, 13:59 -
Mandati i Xhaçkës, Komisioni i Venecias e shqyrton më 6-7 dhjetor, një mision faktmbledhës në Tiranë të dëgjojë palët
25 Shtator, 18:29 -
Turpërimi 9-2 në Champions League, Dinamo Zagreb shkarkon trajnerin
19 Shtator, 17:25 -
Mandati i Xhaçkës/ Debate në konferencën e kryetarëve! Bardhi: Orientuat votimin, hodhët në erë Gjykatën Kushtetuese! Peleshi: Duhet qartësim, na ndihmon Komisioni i Venecias
17 Shtator, 09:59
-
PS i përgjigjet SHBA-së pse nuk çoi në Kushtetuese mandatin e Xhaçkës! Peleshi: Ka paqartësi! Presim vendimin e Komisionit të Venecias
16 Shtator, 10:36 -
Alban Daci: Dërgimi i vendimit të Gjykatës Kushtetuese në Komisionin e Venecias!
13 Shtator, 20:41
