Xhuvani i shpëton burgut përjetë
gjykim të shkurtuar për 4 vrasjet
Videolajm/Xhuvani me çamçakëz në sallë

TIRANE - Konstandin Xhuvani i shpëton burgimit të përjetshëm. Në seancën e kësaj të enjteje Gjykata e Tiranës pranoi kërkesën e të akuzuarit për 4 vrasje në muajin nëntor në Tiranë, për tu proceduar në gjykim të shkurtuar. Ky vendim i treshes së gjyqtarëve Sokol Tona, Artan Gjermeni dhe Arben Micko do të thotë se Xhuvanit i hiqet dënimi me burg të përjetshëm, të paktën në Shkallën e Parë.
 
25-vjeçari deklaroi para gjyqtarëve se nuk ka asgjë për të thënë dhe se do të flasë në seancën e konkluzioneve.  Ndaj Xhuvanit nuk mungoi dhe vërejtja e gjyqtarëve për të hequr çamçakëzin teksa ndodhej në bankën e të akuzuarit.  
 
Ndërsa munguan familjarët e Xhuvanit, i pranishëm në seancë ishte një prej familjarëve të dy djemve nga Berati, që mbeti i vrarë më 4 nëntor nga Xhuvani, në lokalin e natës Ante Grand në rrugën e Elbasanit.
 
Për prokurorinë vrasja e katërfishtë është e faktuar si e kryer nga Xhuvani, ndërsa shkak për akuzën ka qenë një grindje banale mes Xhuvanit dhe viktimës Edison Jaho. Po ashtu prokurori hodhi dritë dhe mbi premtimin e Xhuvanit, i cili teksa arrestohej nga polici i ka kërkuar ta lërë të lirë në këmbim të floririt që do t’i jepte.

Konstandin Xhuvani, djali i regjisorit Gjergj Xhuvani dhe ish-deputetes Luiza Xhuvani, është nën akuzë për vrasjen e katërfishtë, ku më 4 nëntor ekzekutoi shokun e tij Arbër Demiraj, shtetasin italian Giampaolo Azzola, Edison Jahon dhe Enea Xhaj.


(Foto: Konstandin Xhuvani në seancën e sotme gjyqësore)  FOTO




Akuza: Vrasje ne rrethana të tjera cilësuese, Prodhim dhe mbajtje pa leje të armëve dhe municionit luftarak.

Redaksia Online
(Gre.M/Shqiptarja.com)

TAG:
• gjergj xhuvani