Xi Jinping do të ndihmojë për
suksesin e G20-ës

Gjatë takimit të G20-ës i cili do të zhvillohet në Hamburg pritet të ketë negociata të vështira. Kancelarja gjermane Angela Merkel llogarit mbështetjen e Kinës, në mënyrë që në fund të prezantohen rezultatet.

“Që të mbledhësh 20 shtete në të gjitha zhvillimet dhe përfytyrimet e  tyre nuk është fare e thjeshtë”, tha Merkel pas një takimi me Presidentin kinez Xi Jinping në zyrën Kancelarore në Berlin.

Vendi mikprites i G20-ës bashkëpunon gjithnjë ngushtë me organizatorët e mëparshëm dhe mëpasëm të takimeve të nivelit të lartë, për të garantuar vazhdimësinë e temave. Kina ku në vitin 2016, u organizua një takim i niveleve të larta të G20-ës, bën pjesë si Argjentina në të ashtuquajturën Trojkë të takimit të niveleve të larta.

Prandaj, Merkeli duke u treguar optimiste tha se beson dhe shpreson që “ndonjë vështirësi” ende mund të kapërcehet. Në takimin e niveleve të lartë të fuqive të mëdha ekonomike dhe të BE (G20), i cili nis të premten në Hamburg ku do të diskutohet për klimën dhe për tregëtinë botërore.

Gjithashtu kancelarja Merkel ka kërkuar qasje në treg për sipërmarrjet gjermane.

Ndërkohë krahas takimit të nivelit të lartë në Zyrën Kancelarore u vunë në diskutim edhe tema bilateral.

Merkeli kërkoi një qasje më të mirë në tregun kinez për sipermarrjet gjermane. Xi theksoi se edhe Pekini synon një bashkëpunim më të mirë në fushën e ekonomise tregëtisë dhe financave.

Më tej Xi theksoi se marrëdhëniet midis dy vendeve janë në “nivel shumë të larta”. Kina është për nga vëllimi partneri i pestë tregetar i gjermanisë. Të dyja vendet bënë vitin e kaluar biznes në shumën e rreth 170 miliardë euro.

Megjithatë kohët e fundit ka pasur tensione, pasi të dyja palët akuzuan njëra-tjetrën për pengesa në investime.

Pa e përmëndur këtu rastin e veprimtarit kinez të të drejtave të njeriut, të sëmurë rëndë, Liu Xiaobo, Merkeli deklaroi veç kësaj se dëshiron të vazhdojë dialogun me Pekinin për të drejtat e njeriut.

Në këtë kuadër ka rëndësi që “sektorët e ndryshëm të shoqërisë të kenë mundësi që të shprehen mirë”, tha Merkel.



Redaksia online
D.M/Shqiptarja.com