POP 5

Lajmet më të lexuara të 5 minutave të fundit

Bota

Xi Jinping përballet me demonstrata të fuqishme, kinezët kërkojnë dorëheqjen e tij dhe të partisë Komuniste

Udhëheqësi kinez Xi Jinping u përball të hënën me demonstrata të paprecedenta pasi mijëra qytetarë protestuan në qytete anembanë Kinës gjatë fundjavës kundër strategjisë së tij zero-Covid, ku gjithashtu kanë kërkuar edhe largimin e tij nga qeveria së bashku me partinë Komuniste.

Udhëheqësi kinez Xi Jinping u përball të hënën me demonstrata të paprecedenta pasi mijëra qytetarë protestuan në qytete anembanë Kinës gjatë fundjavës kundër strategjisë së tij zero-Covid, ku gjithashtu kanë kërkuar edhe largimin e tij nga qeveria së bashku me partinë Komuniste.

“Hiq dorë, Xi Jinping! Tërhiqu Parti Komuniste!” ishin disa prej thirrjeve të disa protestuesve të mbledhur në Shangai, një nga qytetet e shumta kryesore ku shpërthyen protestat pas një zjarri vdekjeprurës të enjten në një bllok apartamentesh në rajonin e largët perëndimor të Xinjiang.

Zjarri dukej se veproi si një katalizator për ndezjen e zemërimit të publikut mbi masat strikte të Kinës për zero-Covid pasi u shfaqën video që tregonin se masat e bllokimit vonuan arritjen e zjarrfikësve për të shpëtuar jetën e personave të rrezikuar.

Nga Shangai në kryeqytetin Pekin, banorët u mblodhën për të kujtuar 10 personat e vrarë në zjarrin në kryeqytetin e Xinjiang, si dhe për të bërë thirrje për liri dhe demokraci. Në dhjetëra kampuse universitare, studentët demonstruan ose vendosën postera proteste. Në shumë pjesë të vendit, banorët në lagjet e mbyllura shkatërruan barrierat dhe dolën në rrugë.

Skena të tilla janë të përhapura zemërimi janë jashtëzakonisht të rralla në Kinë, ku Partia Komuniste në pushtet godet në mënyrë të pamëshirshme të gjitha shprehjet e mospajtimit. Por tre vjet pas pandemisë, shumë njerëz janë shtyrë në prag durimit nga përdorimi i pandërprerë i bllokimeve, testeve dhe karantinave nga qeveria si dhe censurimi gjithnjë e më i fortë dhe sulmi i vazhdueshëm ndaj lirive personale.

B.V/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Marrëveshje PS-PD/ Kreshnik Spahiu: E harruan qeverinë teknike dhe mosbindjen civile! Teatër i dy aktorëve komikë

Marrëveshje PS-PD/ Kreshnik Spahiu: E harruan qeverinë teknike dhe mosbindjen civile! Teatër i dy aktorëve komikë

23 Janar, 21:20