Bota

‘Ylli i ri’ i Trump/ Elon Musk në hapat e parë drejt politikës, a do ‘shpërblehet’ me post?

Njeriu më i pasur në botë Elon Musk, ishte mbështetësit dhe financuesit kryesorë të Donald Trump në fushatën elektorale. Ai dhuroi 120 milion dollarë donacione për fushatën dhe mund të jetë në të ardhmen e afërt drejtues i një departamenti qeveritar për mirëqeverisjen.

Arlind Isa
7 Nëntor, 14:23 | Përditesimi: 7 Nëntor, 14:50

Elon Musk mund të jetë në hapat e tij të parë të angazhimit në politikë. Njeriu më i pasur në botë, ishte financuesit kryesor i fushatës së Donald Trump, me thuajse 120 milion dollarë të shpenzuara për presidentin e zgjedhur të mërkurën.

Musk ishte i angazhuar në fushatë madje në disa drejtime. Përveçse fizikisht shoqëroi në disa mitingje Trump-in, ai ofroi mbështetjen e tij edhe nëpërmjet rrjetit social X, që kur i riaktivizoi llogarinë. Musk ka dalë tashmë hapur me filozofinë e tij të djathtë, pro biznesit dhe kundër emigracionit nëpërmjet intervistave të dhëna në media.

Por, pas zgjedhjeve ai është projektuar edhe me detyra qeveritare. Reuters në muajin shtator, raportonte se Musk ndoshta do të udhëheqë një komision qeveritar që do të mbikëqyrë mirëqeverisjen në administratë e Trump, detyrë që nuk dihet ende nëse do ta pranojë.

LEXO EDHE:
WSJ zbulon planet e Trump për t’i dhënë fund luftës në Ukrainë

Komisioni do të jetë një departament i veçantë që do të udhëhiqet nga miliarderi. CNN ndërkohë thotë se financimi i tij në fushatën e Trump është kthyer mbrapsht, pasi menjëherë pas zgjedhjeve, vlera e aksioneve të kompanisë së tij Tesla, u rrit që në nisje të bursës me 13%, duke i kthyer financimet për fushatën e Trump në të papërfillshme.

SI.E./A.Q/Shqiptarja.com

TAG: