Yuri Kim takon idhullin e saj: Dritë kaq verbuese dhe e bukur! Ermonela Jaho: Disa shpirtra e kuptojnë menjëherë njëri-tjetrin

Ermonela Jaho dhe Yuri Kim

TIRANË-Sopranoja e famshme shqiptare, Ermonela Jaho është një prej idhujve të ambasadores amerikane në vendin tonë Yuri Kim. Ka qenë vetë diplomatja që e ka treguar këtë detaj në një postim në rrjetet sociale teksa rrëfeu edhe detaje nga një takim që zhvilloi me artistern e njohur.

 “Sot takova një nga idhujt e mi; yllin e mirënjohur të operës, Ermonela Jahon. Kemi punuar më herët bashkë në fushatën e ndërgjegjësimit për kancerin e gjirit, por kjo ishte hera e parë që takoheshim personalisht. Ne folëm për aftësinë unike të muzikës për të lidhur njerëzit me njeri-tjetrin, për këmbënguljen dhe mbi të gjitha për fuqinë e shpresës dhe dashurisë. Faleminderit, Ermonela, që ishe një dritë kaq verbuese, e bukur. Mezi pres të të shoh në skenë”, shkruan Kim në postimin e saj.

Foton e takimit e ka publikuar në Facebook edhe artistja e madhe Ermonela Jaho. Ajo shpreh mirënjohjen ndaj ambasadores dhe e falënderon për energjinë dhe besimin e patundur që ka për të ardhmen e Shqipërisë.

“Flm e dashur ambasadore për energjinë pozitive, pasionin e sinqertë dhe besimin e patundur ne te ardhmen e Shqipërisë… Disa shpirtra e kuptojnë menjëherë njeri tjetrin kur takohen…” shkruan ajo në postimin e saj.

K.T./Shqiptarja.com
  • Sondazhi i ditës:

    Vlerësimi që ju keni për punonjësit e Policisë së Shtetit është?

Komento


×

Lajmi i fundit

John

'Ta bëj unë krevatin për fëmijën...', 'Mobilieri' mashtron policin brenda në komisariat