POP 5

Lajmet më të lexuara të 5 minutave të fundit

Politikë

Zbardhen amendamentet e PD
për TVSH dhe taksat kombëtare
PDF-Projektligji për taksën e qarkullimit
PDF-Projektligji për TVSH e energjisë

Partia Demokratike ka zbardhur, dy amendamentet e propozuar një ditë më parë, që kërkojnë prekjen e dy ligjeve aktuale, atë për tatimin mbi TVSH dhe tjetra për taksat kombëtare.  VIDEO
Zbardhen amendamentet e PD<br />për TVSH dhe taksat kombëtare<br />PDF-Projektligji për taksën e qarkullimit<br />PDF-Projektligji për TVSH e energjisë
TIRANE - Partia Demokratike ka zbardhur, dy amendamentet e propozuar një ditë më parë, që kërkojnë prekjen e dy ligjeve aktuale, atë për tatimin mbi TVSH dhe tjetra për taksat kombëtare.

Në propozimet që mbajnë firmën e kryetarit të grupit parlamentar të PD Edi Paloka dhe deputetes Jorida Tabaku, kërkohet ndërhyrja në këto drafte, duke propozuar e para, heqjen e taksës së qarkullimit dhe uljen me 14 % të TVSH-së për energjinë elektrike.

“Duke qenë se tatimi mbi vlerën e shtuar i faturohet konsumatorit në cmimin final të energjisë, si rrallë ndonjëherë biem dakord me Kryeministrin për nevojën e uljes së TVSH-së për energjinë. Por, në këtë rast ndryshe nga Kryeministri që këtë qëndrim e mbajti vetëm gjatë fushatës elektorale, Grupi Parlamentar i Partisë Demokratike, vazhdon të besojë se ulja e TVSH-së për energjinë duhet të bëhet realitet.Për këtë qëllim, propozojmë që TVSH-ja për furnizimin e energjisë elektike të ulet nga 20% në 6%. Kjo masë cmojmë se do të lehtësonte jashtëzakonisht barrën e rëndë ekonomike që po përballojnë sot shqiptarët.” thuhet në propozimin e PD

Sa i takon ndryshimit të ligjit për taksat kombëtare, Partia Demokratike argumenton se, heqja e taksës së qarkullimit duhet të vijë sepse brenda 13 muajve, qeveria rriti taksën e qarkullimit plot dy herë, respektivisht me 12 lekë/litër.
 
Sot taksa e qarkullimit është 27 lekë/litër pa përfshirë TVSH, ndërkohë që në vitin 2013 ishtë 7 lekë/litër pa përfshirë TVSH-në. Efekti shtesë që kanë paguar shqiptarët për xhepat e Qeverisë, si efekt i secilës prej rritjeve që i është bërë kësaj takse, është 56 milion $ në vit. Sipas llogaritjeve të PD, mbi 60 % e çmimit të karburantit që paguajnë shqiptarët sot shkon në xhepat e Qeverisë.
 
Aktualisht, për çdo litër naftë, shqiptarët po detyrohen të paguajnë 100.8 lekë taksë. 

“Duke e vlerësuar si thelbësore për ruajtjen e interest të qytetarëve, duke përfshirë edhe përgjegjshmërinë e Qeverisë në garantimin e mirëqenies ekonomike të shqiptarëve, propozojmë uljen e nivelit të taksës së qarkullimit. Për këtë qëllim, propozoj shqyrtimin dhe miratimin e projektligjit “Për një ndryshim në ligjin nr. 9975, datë 28.07.2008, "Për taksat kombëtare", të ndryshuar” 

PD thotë se nga analiza e tregut rezulton se në Bursat Ndërkombëtare çmimi i naftës gjatë 6 muajve të fundit ka rënë me ritme galopante. Por, ky tregues nuk është reflektuar në tregun vendas dhe shqiptarët ende vijojnë ta paguajnë atë më shtrenjtë se fqinjët e tyre në rajon. Nga Korriku i vitit 2014 e deri më sot, çmimi i naftës në tregun ndërkombëtar ka rënë me 120% (konkretisht, nga 110 $ për fuçi, në 48 $ për fuçi). Mos reflektimi i kësaj ulje në tregun shqiptar është rrjedhojë e drejtpërdrejt e rritjes së çmimit të taksave që ka aplikuar Qeveria gjatë kësaj periudhe argumenton ne amendament PD.

Redaksia Online
(e.c/shqiptarja.com)

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

‘Giro d’Italia 2025’ nis nga Shqipëria, jehonë në mediat e huaja

‘Giro d’Italia 2025’ nis nga Shqipëria, jehonë në mediat e huaja

26 Dhjetor, 08:14