Zbardhen diskutimet në Byro
Meta kërkon ndjesë për Ramën
Kryeministri Edi Rama nuk u përjashtua nga Byroja e Kuvendit, duke rrëzuar kështu pretendimin e Partisë Demokratike. Shqiptarja.com zbardh mbledhjen e Byrosë pasditen e sotme, ku mësohet se Meta ka kërkuar falje në emër të Ramës.
Kryeministri Edi Rama nuk u përjashtua nga Byroja e Kuvendit, duke rrëzuar kështu pretendimin e Partisë Demokratike. Shqiptarja.com zbardh mbledhjen e Byrosë pasditen e sotme, ku mësohet se Meta ka kërkuar falje në emër të Ramës.
Në fillim fjalën e kanë marrë dy deputetët e opozitës, Edmond Spaho dhe Sherefedin Shehu.
“Në mbledhjen plenare të së enjtes kryeministri i është drejtuar me një gjuhë fyese Partisë Demokratike, duke e quajtur atë një tufë bagëtish. Ky fjalor i përsëritur cenon integritetin e deputetëve të opozitës, dhe për këtë arsye kërkojmë përjashtimin e tij me 10 ditë nga parlamenti”-mësohet të ketë thënë Spaho.
Më pas fjalën e ka marrë deputeti Sherefedin Shehu. “Sjellja e padenjë e kryeministrit është e përsëritur. Nuk duhet të tolerohet, sikundërse nuk u tolerua as ish-kryeministri Berisha”-ka thënë Shehu.
Fjalën e ka marrë më pas nënkryetarja e Kuvendit, Valentina Leskaj.
“Unë e kam drejtuar atë seancë dhe siç e tregon edhe procesverbali nuk është përmendur fjala “tufë bagëtish”. Nuk mund të ketë asnjë krahasim mes rastit Berisha dhe të z. Rama. Fjala tufë nuk është fyerje”.
Anëtari tjetër i Byrosë, Fatmir Toçi u ka lexuar anëtarëve të opozitës përkufizimin e fjalës “tufë” në fjalorin e gjuhës shqipe. “ Sipas fjalorit të gjuhës shqipe, tufa ka kuptimin e kolektivotetit. Tufë djemsh. Tufë fëmijësh. Tufë bagëtish (Tufë shpendësh. Tërësi sendesh të hedhura njëri mbi tjetrin pa rregull; tufë me lule. Disa gjëra të një lloji, të lidhura së bashku. Kryeministri nuk përcaktoi llojin e tufës. Çfarë ka për tu fyer këtu?”
Në këtë moment, anëtarët e opozitës kanë thënë: “Po ai nuk është aq dashamirës sa të ketë ndërmend lulet kur i drejtohet opozitës”.Në argumentet e tyre, deputetët e mazhorancës janë shprehur se nuk mund të merren për bazë ato çfarë folësit kanë ndërmend, por çfarë shprehin.
Në fund e ka marrë fjalën kryetari i kuvendit, Ilir Meta. Në emër të mazhorancës ai ka kërkuar falje për fjalorin.
“Unë edhe në emër të kolegëve të mazhorancës ju kërkoj falje për terminologjinë e përdorur nga kryeministri. Të gjithë duhet të jemi të kujdesshëm me gjuhën parlamentare, për të respektuar etikën, të gjithë ata që përfaqësojmë”-ka thënë Meta.
Me votat e mazhorancës kërkesa e opozitës u rrëzua.
Redaksia Online
(xh.k/shqiptarja.com)
Sondazhi i ditës:
Ervin Salianji dënohet me 1 vit burg për kallëzim të rremë, si e vlerësoni?
-
Të drejtë
53.2%
-
Të gabuar
42.1%
-
Nuk e di
4.8%
Vota total: 13329
Votat totale janë unike
Lajme të tjera
-
Eduard Zaloshnja: Sa nga 1.75 milionë zgjedhësit në emigracion do të votojnë me postë?
28 Shtator, 11:07
-
Ilir Yzeiri boton librin 'Kadare, identiteti i keqkuptuar'
28 Shtator, 10:53
-
EMRI/ 'Para drejtësisë', Suedia sjell në pranga 34-vjeçarin me dy identitete, akuzohet për grup të strukturuar kriminal dhe trafik klandestinësh me skaf
28 Shtator, 10:50
-
Bënin bastisje shtëpish në seri në Napoli, karabinieri në pension kap 2 ‘skifterët’ shqiptarë! Njëri dëmton këmbët në arratisje, u gjenden dhe mjete për fshirje gjurmësh
28 Shtator, 10:42
-
EMRI/ Dhunohet me shkop bejsbolli polici i Burgut 313 në Tiranë, dërgohet te Trauma! Tre autorët ikin me makinë, i marrin dhe armën e shërbimit
28 Shtator, 10:17
-
Itali/ I mituri shqiptar kërcënon me thikë për grabitje kalimtarët, policia e arreston dhe ndalon! Kishte dhe precedentë
28 Shtator, 09:49
-
Integrimi në BE/ Viktor Orbán: BE gaboi që ndau Shqipërinë nga Maqedonia e Veriut! Ofrohet të ndërmjetësojë me Bullgarinë! Reagime në Shkup
28 Shtator, 09:31
-
Hezbollah i përgjigjet Izraelit me raketa, disa i shpëtojnë sistemit mbrojtës! IDF: Ranë në vende të hapura, asnjë dëm dhe viktimë
28 Shtator, 09:24
-
Si nëpër filma, trafikantët përplasin makinën e policisë në Itali dhe plagosin 2 prej tyre! Arrestohen me rreth 14 kg drogë shqiptari dhe dy miqtë e tij
28 Shtator, 09:15
-
Skandali i Onkologjikut, Rama: Histori e pagëlltitshme, kemi ende nevojë për përmirësim! Spitalet i shajnë ata që s'i kanë parë vitet e fundit
28 Shtator, 09:14
-
Revista franceze ‘Soon’, intervistë me bashkëshorten e kryeministrit: Linda Rama ka fuqinë të bindë!
28 Shtator, 08:49
-
Ardi Stefa: Me kallo në tru e moral amoral
28 Shtator, 08:38