Zbardhen ndryshimet e fundit
të ekspertëve për "Drejtësinë"
PDF/ Ja drafti final i ekspertëve të Reformës 

Drafti i ekspertëve të maxhorancës dhe atyre te Euralius dhe Opdat, për reformën në drejtësi parashikon rritjen e mandatit të Prokurorit të Përgjitshëm në 7 vjet nga 5 që është aktualisht.

Prokurori aktual Adriatik LLalla të zgjedhur në dhjetor 2012-n, duhet të lerë detyrën 8 muaj pas hyrjes në fuqi të këtyre ndryshimevve.  Konkretisht 2 muaj pas konstituimit të Këshillit të Lartë të Prokurorisë, strukturë e re kjo që krijohet brenda 6 muajve pas miratimit të ligjit.

Mandati i Llallës përfundon në dhjetor të 2017-s. Të njejtin fat do të kenë dhe anëtarët e KLD-së, të cilëve u përfundon mandati 6 muaj pas hyrjes së reformës ne fuqi. Kld shkrihet dhe në vend të tij krijohet Këshilli i Lartë Gjyqësor .

“Deri në krijimin e Këshillit të Lartë Gjyqësor, anëtari jogjyqtar më i vjetër në moshë i Këshillit të Lartë të Drejtësisë do të jetë anëtar i Këshillit të Emërimeve në Drejtësi.“ thuhet në dispozitën kalimtare të draftit të ekperëteve.

Një tjetër institucion shkrihet totalisht është dhe Gjykata e Krimeve të Rënda. Ajo pushon së funksionuari menjëherë pas miratimit të ligjit të reformës në drejtësi.

“Shqyrtimi i mëtejshëm i çështjeve në gjykim pranë këtyre gjykatave rregullohet me ligj” thuhet sërisht në dispozitën kalimtare të hartuar nga ekpertët. Këta të fundit nuk e kanë marrë parasysh pothuajse asnjë prej propozimeve të ministrisë së drejtësisë përfshirë dhe formulën e votimit dhe përzgjedhjes së anëtarëve të gjykatës kushtetuese. 9 anëtarët e këtij institucioni do të emërohen 3 e nga 3 nga presidenti, gjyqsori dhe kuvendi.

“Anëtarët e rinj që do të zëvendësojnë anëtarët të cilëve u mbaron mandati në vitin 2016 emërohen përkatësisht nga Presidenti i Republikës dhe nga Kuvendi dhe qëndrojnë në detyrë deri në vitin 2025.”- thuhet në draftin e ekspertëve të maxhorancës të përfunduar mbrëmjen e së enjtes.