Parlamenti shqiptar kthehet çdo të enjten në një arenë shpesh herë të pakëndshme debati, që në shumicën dërrmuese të kohës është për çështje jashtë rendit të ditës.

Edhe pse rregullorja e parlamentit parashikon 60 minuta në fund të seancës debat për çështje jashtë rendit të ditës, ky përcaktim shkelet pa përjashtim në çdo seancë plenare. Për këtë çështje, deputeti socialist Eduard Shalsi ka shprehur shqetësim disa herë në sallë, por debati është zhvendosur edhe në mbledhjen e Konferencës së Kryetarëve. Shqiptarja.com zbardh procesverbalin e mbledhjes ku Shalsi i ka thënë Metës se situata po bëhet gjithnjë e më shqetësuese.