Vidhte nëpër banesa, arrestohet 28-vjeçari në Durrës! I sekuestrohen shuma parash dhe kanabis

DURRËS- Policia e Durrësit ka arrestuar 28-vjeçarin Orges Skandaj, autorin e 3 vjedhjeve në qytet.

“Blutë” kanë sekuestruar shuma parash, ora, laptop, celular, automjet, si dhe një sasi lënde narkotike.

28-vjeçari akuzohet për vjedhje si dhe prodhimin dhe shitjen e narkotikëve.

Arrestimi i këtij u bë pas një pune disamujore të ndjekur me metoda speciale të hetimit, nga e cila ka rezultuar se, në harkun kohor korrik - tetor 2023, në qytetin e Durrësit, duke përdorur pajisje profesionale për hapjen e dyerve të blinduara, në mënyrë të fshehtë, ka arritur të realizojë vjedhjen në 3 banesa, konkretisht:

• • Më datë 12.10.2023, në lagjen nr. 3, Durrës, ka vjedhur në një banesë, bizhuteri floriri të ndryshme me vlerë 8000 euro;
• • Më datë 15.09.2023, në lagjen nr. 3, Durrës, në një banesë, ka vjedhur sende me vlerë;
• • Më datë 22.07.2023, në lagjen nr. 4, Durrës, në një banesë, ka vjedhur 9 ora dore të markave të ndryshme dhe 1 laptop.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

G.MO/E.H/Shqiptarja.com

TAG:
• vjedhje
• Durres
• Orges Skandaj