Zbulohet hajduti i makinave luksoze, policia e arreston pas gjysmë ore ndjekje me automjetin e vjedhur (VIDEO)

ELBASAN - Një 30-vjeçar nga Durrësi u arrestua nga policia në Elbasan, pasi akuzohet se vidhte makina luksoze në këtë qytet dhe i çonte në Durrës. I riu me inicialet A.P u vu në pranga pas 30 minutash ndjekjeje nga Policia Rrugore e Elbasanit, ndërsa iu bllokua edhe makina “Benz ML”, prodhim i fundit, me të cilën tentoi të largohej pasi e kishte vjedhur në Elbasan.

30-vjeçari rezulton të jetë sipas policisë, edhe autor i vjedhjes së një tjetër makinë në qytetin e Elbasanit në ditët e para të këtij viti.

Policia mori njoftim se makina “Benz ML” ishte vjedhur tek Ura e Shkumbinit, dhe më pas organizoi patrullat që kryenin shërbim në akset rrugore duke u vënë në kërkim të makinës. Automjeti u konstatua që po lëvizte me shpejtësi në drejtim të Bradasheshit, për t’u larguar në drejtim të Durrësit. 

Patrullat e Policisë Rrugore dhe Patrullat e Përgjithshme janë vënë në ndjekje dhe pas afro 30 minutash, në Bradashesh, njëra nga Patrullat e Policisë Rrugore bëri të mundur bllokimin e automjetit bashkë me personin që e kishte vjedhur.

30-vjeçari është shoqëruar në Komisariatin e Policisë Elbasan dhe në përfundim të veprimeve të kryera nga specialistët për hetimin e krimit u bë arrestimi në flagrancë i tij.

Policia thotë se automjeti Benz ML u vodh në orët e mbrëmjes në lagjen “Shënkoll”, dhe është në pronësi të një personi me inicialet E. Ç.

Gjithashtu, dyshohet se 30-vjeçari është autor edhe i vjedhjes së automjetit tip “Benz”, në pronësi të një tjetër qytetari me inicialet A.M., banues në Elbasan, vjedhje e ndodhur në ditët e para të këtij viti.

Policia e Elbasanit njofton se "vijojnë veprimet në bashkëpunim me Policinë e Durrësit dhe Tiranës, pasi 30-vjeçari dyshohet se ka vjedhur edhe disa automjete të tjera. 

Materialet procedurale, policia e Elbasanit, ia referojë Prokurorisë së Rrethit Gjyqësor Elbasan, për veprime të mëtejshme për veprën penale "Vjedhja".

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tafani: 19/01/2020 20:21

    Nuk ja qi njeri familjen E Kalamaj car ka ne shpi Po hapjani fytyren ta shofim i her ca lloj monstre esht.

    Përgjigju
  • Kiu: 19/01/2020 16:19

    Hajdutit nuk i fshihet fytyra dhe pa emer nuk eshte te denohet sipas ligjit

    Përgjigju
  • EVGJITI: 19/01/2020 16:00

    FLAKNI CELSIN O PRISNI DYARTE GJEJA ME URYER ESHTE HAJDUTI ,,,,,,,,

    Përgjigju
  • Qytetar: 19/01/2020 15:35

    Nxirrjani fytyren dhe emrin pleres. Ca ka per tja fshehur? Hadjut i ndyre

    Përgjigju
  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Vrau foshnjën duke e hedhur në lumë, mjeku i Tapizës për Report Tv: Nënë e përkushtuar e 5 fëmijëve, s’ka ardhur kurrë për vizitë

Vrau foshnjën duke e hedhur në lumë, mjeku i Tapizës për Report Tv: Nënë e përkushtuar e 5 fëmijëve, s’ka ardhur kurrë për vizitë