Zbulohet tuneli më i gjatë i drogës në kufirin Meksikë-SHBA (FOTO)

Zyrtarët amerikanë kanë thënë se kanë zbuluar tunelit më të gjatë që kalon nga Meksika për në SHBA që përdorej nga narkotrafikantët.

I gjatë 1313 metra, tuneli është i pajisur me ashensor, shina, dranazh, sistem ajrimi dhe tension të lartë.

Tuneli lidh një zonë industriale në qytetin meksikan të Tijuanas me San Diegon në SHBA.

Deri tani nuk është bërë asnjë arrestim dhe nuk u gjet drogë në tunel.

Autoritetet ende nuk deklarojnë se kush janë personat që e kanë ndërtuar.

Por mendohet që tuneli duhet të jetë vepër e kartelit meksikan të Sinaloa, i cili konsiderohet nga autoritetet amerikane si një ndër organizatat më të mëdha të trafikut të drogës në botë.

Themeluesi i tij  Joaquin “El Chapo” Guzman është duke vuajtuar një dënim të përjetshëm në SHBA.

Zbulimi i ri i paraprinë 15 tuneleve të sofistikuar të zbuluar që nga viti 2006, të gjitha të përqendruara në qytetin Otay Mesa të San Diego, një zonë ku toka balte favorizon gërmimet dhe pyjet e pranishme ofrojnë mbulim thuajse të sigurt.

Autoritetet e Sh.B.A-së kanë hartografuar rrugën e tunelit, duke hapur një gropë në anën e SHBA dhe kanë futur një kamerë për të gjetur hyrjen.

TAG:
• SHBA
• droga
• Meksike
• San Diego
• Sinaloa