POP 5

Lajmet më të lexuara të 5 minutave të fundit

Kosova & Rajoni

Zbulohet varri masiv, 250 trupat e 
shqiptarëve poshtë një parkimi

Një varr masiv ku mendohet se janë trupat e 250  shqiptarëve të vrarë gjatë luftës në Kosovë është zbuluar në  fshatin Rudnicë, në jugperëndim të Serbisë, jo larg kufirit me Kosovën.
PRISHTINE-  Një varr masiv ku mendohet se janë trupat e 250  shqiptarëve të vrarë gjatë luftës në Kosovë është zbuluar në  fshatin Rudnicë, në jugperëndim të Serbisë, jo larg kufirit me Kosovën.

Lajmi për zbulimin e varrezës masive u konfirmua dje nga qeveria serbe ndërkohë që ekspertët vendas dhe evropian të mjekësisë ligjore, thanë se janë gjetur rroba dhe eshtra të viktimave të luftës në Kosovë, gjatë gërmimeve.

Prokurori i Krimeve të Luftës në Serbi, Vladimir Vukçeviç tha se varri është zbuluar pranë fshatit Rudnica, ndërkohë që zëdhënësi i tij Bruno Vekariç shtoi se trupat ishin varrosur aty ku në 1999 menjëherë pas mbarimit të luftës në Kosovë u ndërtua një parkim makinash.

 “Dyshimet duhej të ishin ngjallur menjëherë. Rudnica është një vend shumë i largët, kush do të donte të ndërtonte atje? – thotë Dejan Anastasijevic një gazetar investigative për gazetën javore “Vreme”, citon “The Guardian”.

“Sipas dëshmitarëve, aty mund të jenë trupat e 250 shqiptarëve” – thotë Vukçeviç.

Varri masiv i Rudnicës është varri i gjashtë që përmban viktimat e masakrës së Millosheviçit gjatë luftës 1998-1999, nga e cila Kosova numëron mbi 10 mijë të vrarë e 5 mijë të zhdukur.

Në 1998-1999 forcat serbe kryenin vrasje masive në fshatrat e Kosovës dhe i varrosnin viktimat pranë vendit ku kryenin vrasjet por më pas, kur u bë e qartë se NATO do të
ndërhynte,qeveria e Millosheviçit urdhëroi që trupat të zhvarroseshin dhe të dërgoheshin diku tjetër në Serbi apo në Bosnje.

Gazetari investigative Anastasijevic thotë se zhvarrosja dhe zhvendosja e trupave u krye nga forcat speciale serbe. Rreth 1000 trupa u gjetën pranë bazës së këtyre forcave në Batanjica, jashtë Beogradit, dhe Rudnica prezanton varrin e dytë më të madh masiv që është gjetur, pas Batajnicës, deri tani.

Gërmimet kanë filluar të marten (10 dhjetor2013).  Në atë zonë edhe më herët ishin bërë gërmime, por pa rezultate.

varrim masiv ne rudnica
 (Në foto: Vendi ku mendohet se është varri masiv që përman trupat e 250 shqiptarëve, Foto e  Andrej Isakovic/AFP)


Redaksia online
(sg/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Hyn në fuqi strategjia afatmesme e të ardhurave, goditje nëndeklarimit të pagave! Synohet mbledhja e 650 mln eurove të ardhura

Hyn në fuqi strategjia afatmesme e të ardhurave, goditje nëndeklarimit të pagave! Synohet mbledhja e 650 mln eurove të ardhura

15 Janar, 20:43 nga Eliza Gjediku