POP 5

Lajmet më të lexuara të 5 minutave të fundit

Sociale

Zbuloni Mirditën, perlën 'e fshehur' mes maleve! Operatorët turistik bashkëpunim me Bashkinë për promovimin e resurseve

Mungesa e promovimit por dhe hartimi i një pakete turistike të mirëfilltë e ka lënë Mirditën jashtë hartës së turizmit dhe pse ka një potencial të jashtëzakonshëm. Përpos natyrës së mrekullueshme dhe trashëgimisë kulturore janë hapur dhe bujtina që ofrojnë kushte të mira për akomodimin e turistëve.

Afro 80 km larg kryeqytetit gjendet Mirdita, një trevë me potencial të madh turistik, por ende e pa promovuar. Njihet për peisazhet piktoreske, trashëgiminë e kulturore, kishat dhe kullat e moçme. Së fundimi janë çelur disa bujtina në Katundin e Vjetër, Lufaj, Gurth Spaç e Perlat, por operatorët turistikë hasin në disa problematika, të cilat parashtruan gjatë një takimi me zyrtarët e bashkisë.

“Shpresoj që bashkia të marrë iniciativë të na mbështesë sidomos për promovimin e vendeve sepse njerezit nuk e njohin”, tha Ermal Duka operator turistik

“Mirdita ka male, lumenj, natyrën në përgjithësi ku mund të bëhet hiking por dhe mikpritjen e vendasve, që të huajt e vleresojnë shumë. Mjafton të shihni "review" që ata kanë lënë në booking dhe platformat e tjera të rezervimit. Ne duhet të kemi bashkëpunim me njëri-tjetrin, të kemi paketë të përbashkët dhe shembull për turizmin malor është Thethi”, tha Baron Nikolli operator turistik.

Kryebashkiaku i Mirditës Albert Mëlyshi thotë se po identifikohen të gjitha problematikat dhe në bashkëpunim me grupet e interesit do t’u jepet zgjidhje.

“Mirdita ka pafund vende të bukura, histori e kulturë por 3 janë destinacionet kryesore, në Lufaj, Perlat dhe Gurth Spaç ku ofrohen shërbime për turistët, njesi akomoduese”, tha Melyshi.

Disa nga atraksionet për tu vizituar në Mirditë janë Bjeshkët e Oroshit, Gurra e Domgjonit, mali i Munellës, ish-Burgu i Spaçit.  Gjatë eksplorimit të Mirditës do të gjeni vendbanime të lashta, shtigje aventureske, shtëpi pritëse, kulla karakteristike e mbi të gjitha kishat shekullore që identifikojnë këtë zonë.

R.D/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

5 këshilla si të shtroni tryezën për Krishtlindje

5 këshilla si të shtroni tryezën për Krishtlindje

25 Dhjetor, 09:25