POP 5

Lajmet më të lexuara të 5 minutave të fundit

Bota

Zëdhënësi i talebanëve: "Ne kërkojmë nga Italia të na njohë. Kina do të na financojë"

Në një intervistë për mediat italiane, zëdhënësi i talebanëve u shpreh se për ta interes përbën marrëdhënia me Kinën dhe ka premtuar edhe njëherë se gratë do të jenë pjesë e qeverisë. 

 

"Unë i shoh gratë si protagoniste të rëndësishme në shoqërinë afgane. Ne kemi shumë gra që punojnë në spitale, janë infermiere shumë të afta dhe të vlefshme. Jo si ministre, por duke ndjekur urdhrat e Kuranit dhe sipas ligjit të Sheriatit, gratë mund, për shembull, të punojnë në ministri, në polici ose në gjyqësor si asistente”, u shpreh zëdhënësi i talebanëve, Zabiullah Mujahid për La Repubblica.

Duke konfirmuar edhe njëherë që gratë afgane do të përfitojnë disa ‘liri’, por që roli i tyre nuk do të jetë asnjëherë drejtues. Por ai premtoi edhe njëherë që vajzat do të pranohen në universitete dhe do të mund të vazhdojnë studimet.

Talebanët shpresojnë njohjen nga perëndimi dhe Mujahid deklaroi se Itali përben një partner thelbësor.

“Më lejoni të shtoj se ne duam të rivendosim marrëdhënie të mira me Italinë, shpresojmë që vendi të njohë qeverinë tonë islamike. Shpresojmë që Italia të rihapë ambasadën e saj në Kabul.  Vendi juaj është shumë i rëndësishëm për ne,  për kulturën dhe historinë e filozofisë. Kjo është thelbësore për ne ".

Edhe pse marrëdhëniet me Rusinë i konsiderojnë të rëndësihme, për ta mbështetjen më të madhe e presin nga Kina.

"Kina është partneri ynë kryesor. Ajo përfaqëson një mundësi të jashtëzakonshme për ne sepse është e gatshme të investojë dhe rindërtojë vendin. Ne jemi shumë të interesuar për projektin" Një rrip, një rrugë "që do të çojë në ringjalljen e Rrugës së lashtë të Mëndafshit. Ne gjithashtu kemi miniera të pasura bakri që falë kinezëve, do të jenë në gjendje të kthehen në jetë dhe të modernizohen. Në fund , Kina do të jetë pasaporta jonë për tregjet në të gjithë botën ".

Ndërkohë që Mujahid theksoi se ende nuk ka një kohë për hapjen e aeroportit Hamid Karzai pasi ai është dëmtuar rëndë, por theksoi se Katari dhe Turqia janë duke punuar në rigjallërimin e aeroportit dhe bërjen e tij funksional para fundit të shtatorit.

 

 

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Shqipëria në panairin FITUR në Spanjë, tërheq vizitorë, Rama: Premton shumë për një tjetër vit fantastik turistik

Shqipëria në panairin FITUR në Spanjë, tërheq vizitorë, Rama: Premton shumë për një tjetër vit fantastik turistik

26 Janar, 10:44