Sport

Zekaj:Ivanoviç frikë nga tifozët serbë
po t’i kundërvihej i vrisnin familjarët

Një nga shqiptarët e paktë që shkoi në Serbi për të ndjekur nga pranë ekipin Kombëtar, opinionisti i futbollit, Xhevdet Zekaj, tregon për A1 Report bisedën që kreu me kapitenin e kombëtares serbe, Branislav Ivanoviç para fillimit të ndeshjes dhe pasi ajo u ndërpre.

Redaksia 18 Tetor 2014, 15:06 | Përditesimi:

TIRANË - Një nga shqiptarët e paktë që shkoi në Serbi për të ndjekur nga pranë ekipin Kombëtar, opinionisti i futbollit, Xhevdet Zekaj, tregon për A1 Report bisedën që kreu me kapitenin e kombëtares serbe, Branislav Ivanoviç para fillimit të ndeshjes dhe pasi ajo u ndërpre.

Ai tregon se Ivanoviç kishte frikë të dilte dhe të qetësonte turmën e tifozëve, duke theksuar se nëse do të kishte bërë një gjë të tillë kur të kthehej në shtëpi do të i gjente familjarët e vrarë.

“ I kërkova të dija pse nuk foli kur iu kërkua. Ai tha që kur të shkoja në shtëpi t’i gjeja prindërit e vrarë, ta gjeja shtëpinë e djegur, nuk e bëja dot në asnjë mënyrë, ju nuk i njihni mirë këta.”- tregon Zekaj.

Gjithashtu Xhevdet Zekaj tregon se gjatë takimit para fillimit të ndeshjes me Ivanoviç, ky i fundit i ka shprehur respekt ndaj ekipit të kombëtares sonë ndërsa gjendja e ekipit të tyre nuk ishte shumë e mirë.

“ E pyeta si është gjendja e ekipit. Më tha jeni një skuadër për t’u respektuar, gjendja e ekipit nuk është shumë e mirë, kemi mungesa, lojtarë të dëmtuar, por ne fitojmë dhe qeshi. I thashë të fitojë futbolli. Ajo është më e rëndësishmja më tha”- tregon Xhevdet Zekaj – në rubrikë i ftuari i ditës.

Gjatë intervistës me gazetarin Andi Kapxhiu, Zekaj shprehet se policët ushtruan dhunë e terror në çdo rrugë. Ndërsa në qytet nuk dihej thuajse fare atmosfera e ndeshjes, deri dy ditë para. Por ai shton se në Beograd ai ka takuar edhe 1 shqiptar i cili jetonte atje dhe që ka shprehur frikën se mos e zbulonin se ishte shqiptar.

Ndërsa ish-futbollisti i Milanit, serbo-malazezi, Dejan Savicevic u ka kërkuar me mirësjellje të mos flisnin shqip për të evituar çdo përplasje të mundshme. Zekaj thekson gjithashtu se nacionalistët serbë urrejnë njësoj si shqiptarët e Kosovës edhe ata që jetojnë në Shqipëri.

Redaksia Online
(a.h/shqiptarja.com)

/Shqiptarja.com