Zelensky: Artileria e dhënë nga SHBA-ja ndihmoi në "prishjen" e ofensivës ruse

Presidenti ukrainas Volodymyr Zelensky tha të mërkurën se Rusia ka humbur 50% të tankeve të saj në luftën në Ukrainë. Në një intervistë për CNN, Zelensky tha se Rusia ka pësuar një numër të madh të humbjeve të personelit ushtarak dhe artilerisë. 

Të martën, Colin Kahl, nënsekretari i mbrojtjes i Pentagonit për politikën u tha gazetarëve se Rusia do të dalë nga lufta "më e dobët sesa hyri", pasi "ndoshta ka humbur gjysmën e tankeve të saj kryesore të betejës në të gjithë ushtrinë ruse". Kahl gjithashtu vuri në dukje faktin se Rusia ka "pushtuar më shumë se 80% të territorit në Ukrainë".

Kur u pyet nëse shifrat e Pentagonit përputheshin me të dhënat e Ukrainës, Zelensky u përgjigj: "Unë mendoj se kjo pak a shumë korrespondon me realitetin, ku askush nuk e di realitetin e plotë, veçanërisht për sa i përket personelit".

Zelensky tha se ai vlerëson faktin se Rusia ka pësuar "10 herë" më shumë humbje sesa Ukraina, duke shtuar se edhe pse nuk mund të jepte shifra të sakta, ekziston "një ndryshim shumë domethënës" midis humbjeve të pësuar nga të dy vendet.

 “Sa herë që kërkojmë mjete të blinduara, nuk bëhet fjalë vetëm për armët, por për mbrojtjen e ushtrisë sonë”, shtoi Zelensky. 

Ai gjithashtu vuri në dukje faktin se artileria e ofruar Ukrainës nga Shtetet e Bashkuara dhe Evropa, arriti të ndihmojë në "prishjen" e ofensivës ushtarake ruse. 

“I kemi ndalur, kemi izoluar një pjesë të madhe të territorit tonë. Dhe kjo me të vërtetë u ndihmua nga artileria dhe teknologjitë e reja”, theksoi Zelensky.

Lajmi kryesor:

Lufta në Ukrainë/ Rusia largon trupat nga rajoni i Kherson! Biden: Po humbasin! NATO: Duhet të presim

S.S/Shqiptarja.com

TAG:
• Zelensky
• ukraine
• Rusi
• SHBA