Lufta/ Zelensky largohet nga Këshilli i Sigurimit i OKB-së para ndërhyrjes së Lavrov: Putin të tërhiqet nga i gjithë territori ynë, përfshirë Krimenë

Sekretari amerikan i Shtetit Antony Blinken tha në samitin e Këshillit të Sigurimit të OKB-së se Rusia mund të konsiderohet përgjegjëse për luftën në Ukrainë dhe të adresojë çështje të tjera, duke përfshirë krizën klimatike dhe zgjerimin e mundësive ekonomike. 

"Ne mund dhe duhet t'i bëjmë të dyja. Ne po i bëjmë të dyja", tha Lavrpv, duke theksuar se ideja për të qëndruar pranë Ukrainës si një shpërqendrim nga krizat e tjera është një "zgjedhje e rreme".

Ministri i Jashtëm rus, Sergei Lavrov, duke folur në Këshillin e Sigurimit të OKB-së, tha se ishte Zelensky ai që po refuzonte negociatat dhe jo Moska.

“Rusia nuk i refuzon negociatat, është presidenti ukrainas Zelensky ai që nënshkroi një dekret për të ndaluar dialogun me Presidentin Putin”.

Ai gjithashtu tha se nëse edhe SHBA ishte dakord me Rusinë, ata duhet të urdhëronin Zelensky për të tërhequr dekretin.

 “Nëse Shtetet e Bashkuara dëshirojnë, mund të urdhërojnë Zelensky të tërheqë atë dekret”, shtoi ai.

Presidenti ukrainas, Volodymyr Zelensky, në samitin e Këshillit të Sigurimit të OKB-së tha se Rusia po kërkon që të zbehë gjenocidin në Ukrainë.

Ai tha se Rusia ulet në mënyrë të paligjshme përmes manipulimeve dhe se Ukraina është një vend i vogël, e cila e konsideron kartën e Kombeve të Bashkuara.

Zelensky gjithashtu tha se pabarazia përmendet edhe nga vendet e ndryshme qofshin ato të mëdha apo të vogla.

“Kjo është një luftë e shkaktuar nga Rusia, ne duhet ta pranojmë që Kombet e Bashkuara e gjejnë veten në një situatë të bllokuar, kur vjen fjala për mbrojtjen e vendeve. Rusia ulet në mënyrë të paligjshme përmes manipulimeve. Të zbehet genocidi që kryhet nga Rusia. Pavarësisht se çfarë vendi jemi, një vend që mbron pavarësinë, një shtet që kërkon ndihmë apo kërkon mbështetje të mirëfilltë, një shtet i cili e konsideron kartën e Kombeve të Bashkuara. Pabarazia përmendet nga vende të ndryshme qofshin të mëdha apo të vogla”, tha Zelensky.

Si përfundim Zelensky tha se çdo pjesëmarrje në Këshillin e Sigurimit duhet pezulluar në Rusi të cilat mbështeten tek agresioni në kundërshtim me kartën e OKB.

“Çdo pjesëmarrje në Këshillin e Sigurimit duhet pezulluar në atë shtet që mbështetet tek agresioni në kundërshtim me kartën e OKB, duhet luftuar agresioni kundër integritetit dhe sovranitetit të territorit. Nuk duhet të presim, duhet të veprojmë tani”, tha Zelensky.

Sekretari amerikan i shtetit, Antony Blinken, në Samitin e Këshillit të Sigurimit të OKB-së tha se Rusia çdo ditë ka kryer krime kundër njerëzimit në Ukrainë.

“Rusia kryen krime kundër njerëzimit çdo ditë në Ukrainë”, tha Blinken.

Blinken renditi rregullat e shkelura nga Rusia në Ukrainë, duke filluar nga “Karta e OKB-së”.

Presidenti i Ukrainës, Volodymr Zelensky, u largua nga dhoma e Këshillit të Sigurimit para fjalimit të ministrit rus, Serghei Lavrov, dhe para fjalimit të Sekretarit të Shtetit amerikan Antony Blinken.

Presidenti ukrainas, Volodymyr Zelensky, në fjalimin e tij në Këshillin e Sigurimit të OKB-së tha se kjo e fundit mund të bëjë më shumë për sigurinë dhe paqen në botë.

"Unë mendoj se OKB-ja mund të bëjë më shumë për sigurinë dhe paqen në botë", tha Zelensky.

Në një pjesë të fjalimit të tij në Këshillin e Sigurimit të Kombeve të Bashkuara në Nju Jork, Presidenti ukrainas, Volodymyr Zelensky, tha se njerëzimi nuk kishte më shpresë në OKB përsa i përket kërkimit të paqes dhe mbrojtjes së kufijve kombëtarë.

“Njerëzimi nuk ka më shpresë në Kombet e Bashkuara kur bëhet fjalë për kërkimin e paqes dhe mbrojtjen e kufijve kombëtarë”, tha Zelensky.

Sipas Zelensky "është e rëndësishme që problemet të trajtohen pa retorikë, por edhe "pa gjetur kompromise me vrasësit", sepse jetët duhet të mbrohen pa kompromis".

Presidenti ukrainas, Volodymyr Zelensky, në fjalimin e tij në Këshillin e Sigurimit të OKB-së tha se kjo e fundit mund të bëjë më shumë për sigurinë dhe paqen në botë.

"Unë mendoj se OKB-ja mund të bëjë më shumë për sigurinë dhe paqen në botë", tha Zelensky.

Ai tha se ishte i sigurt se Karta e OKB-së mund të funksiononin për sigurinë globale, por diskutimi për reformën e Kombeve të Bashkuara duhej të shndërrohej menjëherë në një proces.

"Unë jam i sigurt se Karta e OKB-së mund të funksionojë për sigurinë globale, por diskutimi për reformën e Kombeve të Bashkuara duhet të shndërrohet menjëherë në një proces. Të gjitha vendet që e njohën agresionin rus si shkelje të Kartës së OKB-së, por që kjo nuk ndryshoi asgjë për Rusinë në OKB. Nuk bëhet fjalë vetëm për përfaqësimin në Këshillin e Sigurimit, por edhe për përdorimin e të drejtën e vetos”, tha Zelensky.

Ai gjithashtu tha se shumica e njerëzve nëpër botë i quan veprimet e Rusisë si kriminale.

"Shumica e botës e pranon se veprimet e Rusisë në Ukrainë janë kriminale dhe të paprovokuara dhe kanë për qëllim marrjen e territorit dhe burimeve të Ukrainës. Rusia duhet të tërhiqet nga e gjithë Ukraina dhe Krimea”, tha Zelensky.

Presidenti ukrainas, Volodymyr Zelensky, tha se prania e Rusisë në Këshillin e Sigurimit ishte "jolegjitime" dhe "fuqia e vetos në duart e agresorit është ajo që e ka shtyrë OKB-në në këtë ngërç". 

Duke folur në samitin e CDS-së për Ukrainën, Zelensky theksoi se "në rast të mizorive masive, fuqia e vetos duhet të pezullohet dhe Asambleja e Përgjithshme e OKB-së duhet të ketë fuqinë për të anashkaluar veton".

Sekretari i Përgjithshëm i OKB-së Antonio Guterres tha në një samit të liderëve të klimës në Asamblenë e Përgjithshme të OKB-së të mërkurën se pushtimi rus në Ukrainë ka shkelur të drejtat e e njeriut, duke përfshirë dhunën seksuale, ndalimet arbitrare, ekzekutimet dhe transferimin me forcë të civilëve ukrainas.

“Është dokumentuar dëshmi e shkeljeve të përhapura dhe tronditëse të të drejtave të njeriut, duke përfshirë dhunën seksuale të lidhur me konfliktin, ndalimet arbitrare, ekzekutimet e shkurtra, kryesisht nga Rusia, dhe transferimin me forcë të civilëve ukrainas, përfshirë fëmijët, në territorin nën kontrollin rus ose në Rusi”, tha Guterres.

Ai tha se ata po kërkonin paqe, të cilët kanë kontribuar shumë gjatë këtyre viteve për të parandaluar luftën mes Rusisë dhe Ukrainës.

"Pushtimi rus i Ukrainës u pasua nga sulme të pamëshirshme dhe sistematike kundër civilëve, infrastrukturës dhe shërbimeve civile, duke përfshirë kujdesin shëndetësor dhe objektet arsimore. Sulmet kundër civilëve dhe infrastrukturës civile duhet të ndalen menjëherë", tha Guterres.

Guterres tha se lufta po çon në përshkallëzim globalizmin dhe se ata duhet të bëjnë diçka patjetër për të shpëtuar njerëzit në mbarë botën.

“Ne po kërkojmë paqe, ku ne kemi kontribuar gjatë këtyre viteve për të parandaluar luftën mes Rusisë dhe Ukrainës, e cila ka përshkallëzuar globalizmin, ku duhet të shpëtohen miliona jetë njerëzish. Numri i vdekjeve që rriten me konfliktet thuajse u dyfishua vitin e shkuar. Operacionet paqëruajtëse të Kombeve të Bashkuara janë në një trysni të jashtëzakonshme. Ç’armatimi bërthamor ka mbetur në vend dhe nuk ka kuadër global të përshtatshëm për të trajtuar kërcënimet që paraqiten nga teknologjia e re. Iu bëj thirrje qeverive që të ecin përpara, të bëjnë më mirë për t’u riangazhuar ndaj objektivave të tyre në kuadër të kartës së Kombeve të Bashkuara”, tha Guterres.

Ai gjithashtu tha se këto dokumente ishin jetike për thirrjen e përgjegjësisë ndaj abuzimeve të të drejtave të njeriut.

“Këto dokumente janë jetike për thirrjen e përgjegjësisë, e cila është thelbësore për të gjitha abuzimet e të drejtave të njeriut”, tha Guterres.

Në fillimin e Samitit për Ukrainën në OKB, Rusia kundërshtoi vendimin e presidencës shqiptare të rradhës të Këshillit të Sigurimit që presidenti ukrainas, Volodymyr Zelensky, të fliste i pari dhe jo 15 anëtarët sipas protokollit. 

Kryeministri shqiptar Edie Rama u përgjigj se sipas procedurave të CDS, nëse çështja është e përshtatshme, edhe një vend që nuk është anëtar i organit të OKB-së mund të flasë para Pesëmbëdhjetëve.

Presidenti rus, Vladimir Putin, nuk e lë kurrë veten të lëkundet nga fyerjet, tha zëdhënësi i tij, Dmitry Peskov, duke iu përgjigjur pyetjes nëse ia vlen t'i përgjigjemi ashpër fjalëve të presidentit amerikan, Joe Biden, i cili e quajti Putinin "diktator".

“Ju e dini që presidenti ynë nuk ulet kurrë në këtë nivel, në nivelin e ofendimeve personale ndaj kolegëve të tij. Ai, natyrisht, ka një mendim personal për këtë stil të deklaratave. Por presidenti, e përsëris edhe një herë, kurrë nuk e ka bërë këtë, as nuk është përkulur ndaj kësaj dhe nuk do ta bëjë këtë”, tha Peskov.

Sipas përfaqësuesit të Kremlinit, gjëja më e rëndësishme është se Putini mbështetet nga shumica dërrmuese e rusëve dhe kjo u konfirmua më shumë se një herë gjatë zgjedhjeve presidenciale.

"Në të gjithë karrierën e tij politike, Presidenti Biden nuk ka fituar kurrë të njëjtin nivel mbështetjeje si presidenti Putin. Kjo është ajo për të cilën ai ndoshta duhet të përpiqet”, tha Peskov.

Presidenti amerikan, Joe Biden, po planifikon të shpallë një paketë të rëndësishme ndihme ushtarake për Ukrainën të enjten që të përkojë me një vizitë në Uashington nga presidenti ukrainas, Volodymyr Zelensky, tha të mërkurën një zyrtar amerikan në kushte anonimiteti.

Zyrtari nuk detajoi se sa do të vlente paketa, apo çfarë do të përfshihej. Shtetet e Bashkuara janë tashmë furnizuesi më i madh i ndihmës ushtarake, humanitare dhe financiare për Ukrainën. Sipas asaj që raportuan mediat e huaja, thuhet se SHBA ka shpenzuar më shumë se 60 miliardë dollarë që nga fillimi i luftës, raporton News Sky.

Zelensky ndodhet në New York ku po merr pjesë në mbledhjen e Asamblesë së Përgjithshme që organizohet nga presidenca shqiptare.

Zëdhënësi i Inteligjencës së Mbrojtjes së Ukrainës, Andriy Yusov, konfirmoi sulmin me raketa në vendet e pajisjeve ruse në Krimenë e pushtuar, cituar nga agjencia e lajmeve ukrainase, RBC Ukraine

Jusov tha se detajet e operacionit do të bëhen të ditura së shpejti nga Forcat e Armatosura të Ukrainës dhe Shtabi i Përgjithshëm.

Presidenti rus Vladimir Putin pranoi zyrtarisht ftesën për të vizituar Kinën në tetor, raportoi gazeta ruse Vedomosti.

Ky do të ishte udhëtimi i parë jashtë vendit i Putinit që kur Gjykata Ndërkombëtare Penale lëshoi ​​një urdhër arresti kundër tij për dëbimin e fëmijëve nga Ukraina. 

Putin pret ditën e sotme ministrin e Jashtëm kinez, Wang Yi, për bisedime në Shën Petersburg. Ditën e djeshme, Nikolai Patrushev, aleati i ngushtë i Putinit dhe sekretar i Këshillit të Sigurimit Rus, tha se Putin do të takohet me presidentin kinez Xi Jinping për bisedime në Pekin në tetor.

Presidenti rus Vladimir Putin sot do të presë ministrin e Jashtëm kinez Wang Yi, i cili po viziton Federatën Ruse". Këtë e ka bërë të ditur zëdhënësi i Kremlinit, Dmitry Peskov, duke folur për gazetarët.

"Sot Presidenti do të presë mysafirin kinez në Shën Petersburg në Pallatin Konstantinovsky”, shtoi Peskov, “Wang Yi tashmë ka pasur negociata shumë të frytshme me Sekretarin e Këshillit të Sigurimit Patrushev dhe me Ministrin e Punëve të Jashtme Lavrov”.

Presidenti ukrainas Volodymyr Zelensky i kërkoi Donald Trump që të ndajë publikisht planet e tij të paqes nëse ish-presidenti amerikan ka një mënyrë për t'i dhënë fund luftës midis Ukrainës dhe Rusisë.

“Tani ai mund ta ndajë idenë e tij publikisht, pa humbur kohë, pa humbur njerëz dhe të thotë: Formula ime është të ndaloj luftën. Të ndalojë gjithë këtë tragjedi dhe të ndalojë agresionin rus”, tha Zelensky në një intervistë për CNN, pas fjalimit në Asamblenë e Përgjithshme të Kombeve të Bashkuara.

“Nëse ideja është të marrim një pjesë të territorit tonë dhe t'ia japim Putinit, kjo nuk është formula për paqen”, shtoi ai.

"Ne kemi nevojë për avionët F16 tani." Kështu deklaroi presidenti i Ukrainës, Volodymyr Zelensky, në një intervistë për CNN nga New York ku ndodhet për Asamblenë e Përgjithshme të OKB-së.

"Aleatët tanë thonë se do të mbërrijnë së shpejti. Por kjo mund të jetë pas gjashtë muajsh ose një viti. Pastaj do të ketë kohë trajnimi. Ne kemi nevojë për sisteme mbrojtëse tani," shtoi ai.

Pastaj Zelensky nënvizoi se si "Putini nuk mund ta fitojë luftën" dhe "Ukraina dëshiron t'i japë fund konfliktit sa më shpejt të jetë e mundur".

Ministri i Jashtëm rus Serghei Lavrov ka mbërritur në New York për të marrë pjesë në Asamblenë e Përgjithshme të OKB-së. Zyrtari i Kremlinit pritet të marrë pjesë takimin e Këshillit të Sigurimit të Kombeve të Bashkuara për Ukrainën, që do të drejtohet nga Shqipëria i pranishëm edhe presidenti ukrainas Volodymyr Zelensky.