Zgjedhjet, Aleksandar Vuçiç
është Presidenti i ri i Serbisë

Sikurse pritej Aleksandër Vuçië është zgjedhur president i Serbisë.  Në zgjedhjet e kësaj të diele kryeministri 46-vjeçar arriti të fitonte mbi 55% rë votave,rreth 2 milionë vota.

Vuçiç do të marrë detyrën e re në fund të majit kur përfundon edhe mandati i presidentit aktual Nikolic.  

Pak kohë pas shpalljes së rezultatit Vuçiç edhe një herë konfirmoi se Beogradi do të vijojë të jetë mes Evropës dhe Rusisë.

“ Për mua është e rëndësishme , këto zgjedhje treguan se pjesa më e madhe e qytetarëve serbë votuan për rrugëtimin drejt anëtarësimit në BE si dhe për vijimin e raporteve të ngushta me Kinën dhe Rusinë. Do të luftoj për të përmirësuar imazhin e Serbisë në botë” u shpreh Vuçiç pas fitores

Tashmë si president 46-vjecari do të ketë vetëm pushtet formal mes të cilave edhe të drejtën për të kthyer ligje në parlament.

Zgjedhjet presidenciale u zhvilluan në një klimë të qetë si në Serbi por edhe në 90 qendrat e votimit në Kosovë ndërsa prezenca e monitoruesve ishte e lartë.

Sa i përket kandidatëve të tjerë në garë avokati Sasha Jankovic mori 16% të votave, ndërsa surpriza e këtyre zgjedhjeve ishte komediani 26 vjecar Luka Maksimovic i cili mori 9% të votave të atyre njerëzve të zhgënjyer nga klasa politike e vendit.

Pak kohë pas shpalljes së rezultatit shumë diplomat të huaj mes të cilëve edhe komisioneri Hahn kanë uruar Vuçiç për fitoren e arritur.

Vuçiç u bë kryeministër në vitin 2014 pasi Partia e Përparimatre fitoi zgjedhjet.

Më parë pasi mbaroi studimet për drejtësi ai ishte sekretar i Partisë Radikale të Serbisë nën udhëheqjen e presidentit Miloshevic.  

Shpesh atë e krahasojnë me ish-kryeministrin Zoran Gjingjiç dhe me Titon.

e.m/shqiptarja.com