POP 5

Lajmet më të lexuara të 5 minutave të fundit

Kronikë

Zgjedhjet e 14 majit, 5500 policë për garantimin e procesit! Patrullat e trajnuara nga OSBE dhe KQZ do të vendosen pranë QV-ve dhe KZAZ-ve

Plani i masave të policisë së shtetit për mbarëvajtjen e zgjedhjeve të 14 majit përfshin angazhimin e 5500 policëve. Ata do të kenë detyra për qëndrim në distancë pranë qendrave të votimit dhe KZAZ-ve për të shmangur çdo incident, dhe do të angazhohen për transportimin e materialeve zgjedhore.

Policia e shtetit do të angazhojë 5500 efektiva për garantimin e sigurisë dhe mbarëvajtjes së zgjedhjeve të 14 majit. Gjatë 3 muajve të fundit rreth 7 mijë punonjës kanë marrë trajnimin e duhur për zgjedhjet lokale të 14 majit në bashkëpunim me OSBE dhe KQZ. Pjesa më e madhe e tyre do të angazhohen për transportimin dhe ruajtjen e materialeve zgjedhore. Ndërhyrja e tyre brenda ambienteve të QV-ve bëhet për raste emergjente ose përndryshe vetëm me kërkesë nga kryetari i qendrës së votimit.

Pas përfundimit të procesit të votimit në orën 19:00, përmes një procedure të përcaktuar, policia do të bëjë shoqërimin e kutive të votimit drejt KZAZ-ve. Prej disa ditësh, Policia e Shtetit ka marrë në mbrojtje KZAZ-të në të gjithë vendin, aty ku do të kryhet procesi i numërimit të votave. Aty tashmë kanë mbërritur materialet e nevojshme, si kamerat, objektet e numërimit, etj, për të cilat nuk është raportuar asnjë problematikë gjatë transportimit të tyre.

Zyrtarë të policisë së shtetit, thanë për report tv, se një pjesë e efektivëve të policisë do të angazhohen për zgjedhje larg vendit të tyre të punës, ndërsa në rastin e Tiranës kjo detyrë do ti besohet patrullës së përgjithshme. Për shkak të angazhimit të policëve në zona të tjera, objektet e rëndësisë së veçantë shtetërore do të ruhen nga forcat Komando të ushtrisë, duke filluar nga dita e premte, deri të martën, kur konsiderohet i kryer procesi zgjedhor.

Angazhimi i policisë përfshin edhe periudhën e fushatës elektorale, të nisur që në 14 prill, në ruajtjen e rendit dhe sigurisë gjatë tubimeve dhe aktiviteteve të tjera të partive politike.

B.V/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • daku: 10/05/2023 18:57

    kur eshte kohe zgjedhjesh fillojne edhe presionet nga agjenturat e vendeve jomiqesore te shqiperise, dhe nga krimi i organizuar

    Përgjigju
  • Ermiona: 10/05/2023 16:08

    o zot si nderlikohet situata thua sikur po behen zgjedhje kohe lufte.Keni pare a skeni pare bote me sy.Zgjedhet lokale ne Europe behen dhe dite normale pa asgje te vecante.Po thuaj qe te ne zjen kazani parase dhe i te korruptuarve ,hajduteve dhe kusareve ndaj ndodh kjo.

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

FOTO/ Gjimshiti dhjetë qepje në kokë, Atalanta tregon gjendjen e kapitenit të Kombëtares

FOTO/ Gjimshiti dhjetë qepje në kokë, Atalanta tregon gjendjen e kapitenit të Kombëtares

11 Janar, 21:59