Zgjedhjet e 25 prillit, senati amerikan: Inkurajojmë popullin shqiptarë të votojë! Jemi të përkushtuar për të mbështetur një të ardhme demokratike

Senati amerikan

Kur na ndajnë vetëm tre ditë nga zgjedhjet e përgjithshme parlamentare, senati amerikan ka dhënë një mesazh për votuesit shqiptar si dhe për autoritet shtetërore.

Kryetari i Komitetit të Marrëdhënieve të Jashtme të Senatit Amerikan Bob Menendez dhe Anëtari i Renditjes Jim Risch lëshuan deklaratë të përbashkët në prag të zgjedhjeve në Shqipëri që do të mbahen me 25 prill.

“Ndërsa Shqipëria përgatitet për zgjedhjet kombëtare në 25 Prill, ne inkurajojmë popullin shqiptar të votojë. Ne i nxisim autoritetet të sigurojnë që votuesit të jenë në gjendje të ushtrojnë këtë të drejtë themelore të lirë nga frikësimi dhe dhuna. Ne gjithashtu presim që të gjithë kandidatët të veprojnë në përputhje me normat demokratike edhe kur bëjnë fushatë të fuqishme. Miqtë e Shqipërisë në Amerikë janë më të përkushtuar se kurrë për të mbështetur një të ardhme demokratike dhe të prosperuar për popullin shqiptar. ”- thuhet në deklaratën e përbashkët të përfaqësuesve të senatit amerikan e shpërndarë edhe nga amabasadorja amerikane Yuri Kim.

 



×

Lajmi i fundit

John

Varianti Delta rrit infektimet, 31 raste të reja në 24 orët e fundit, asnjë viktimë nga COVID