TIRANË- Himara do të shkojë në zgjedhjet e 4 gushtit për kryebashkiak me një dekret të Presidentit Bajram Begaj të ‘certifikuar’ edhe nga Gjykata. Këtë të martë, Gjykata Administrative e Tiranës vulosi si legjitim dekretin e kreut të shtetit për të shpallur datën e zgjedhjeve në Himarë, duke rrëzuar kërkesën e Fredi Belerit për anulimin e këtij dekreti, e rrjedhimisht edhe zgjedhjet e së dielës.
Në Gjykatë, avokatja e Belerit Klodiana Gjyzari pretendoi se dekreti është i pavlefshëm përsa kohë që Begaj nuk ka respektuar afatin 30 ditor që Fredi Beleri kishte në dispozicion për të ankimuar vendimin e KQZ për shpalljen të pavlefshëm të mandatit të tij, vendim që krijoi vakancën në Bashkinë e Himarës. Sipas saj, Presidenti është treguar i njëanshëm dhe e ka kufizuar rolin e tij në numërues datash.
“Në vlerësimin tonë, padia jonë e provuar, Beleri ka fituar zgjedhjet dhe ka rezultuar që KQZ e ka shpallur të pavlefshëm mandatin e Belerit, ky vendim është i ankimueshëm. Brenda 30 ditësh pra deri në 5 gusht mandati i Belerit është i vlefshëm. Presidenti nuk duhet te anojë nga partitë politike, ky dekret e ka reduktuar rolin e tij në numërues datash. Ka vepruar tej parashikimeve të kushtetutës, dekreti i tij duhet të shfuqizohet si i paligjshëm”, tha Gjyzari.
“Nuk është akt që ka dalë drejtpërdrejtë për paditësin, lidhet drejtpërdrejtë me zgjedhjet dhe palët e tjera politike qe tashmë janë regjistruar, madje edhe PBDNJ me vendim të KQZ. Thënë këtë, pretendimi bie vetëm nga aktet e ndërmarra”, u shpreh përfaqësuesja e Presidencës, Fjorida Ballauri.
KQZ vendosi më 5 korrik të shpallë të pavlefshëm mandatin e Fredi Belerit si kryetar i zgjedhur i Bashkisë së Himarës pasi ky i fundit u dënua me vendim të formës së prerë edhe nga Apeli i GJKKO me dy vite burg për blerje votash. Nisur nga ky vendim, Këshilli i ministrave njoftoi Presidentin për vakancën dhe vetëm pak orë më vonë Begaj dekretoi 4 gushtit datë zgjedhjesh.
Pavarësisht kundërshtimeve të shumta, edhe në rrugë ligjore, opozita ka hyrë në garën përballë Vangjel Tavos së PS me shqiptaro amerikanin Petro Gjikuria, mbështetës i Fredi Belerit.
Lajme të tjera
-
Krishtlindjet/ Politika uron besimtarët, vizita në Katedralen Katolike dhe Ortodokse! Begaj: Të rindërtojmë urat e komunikimit
25 Dhjetor, 11:40 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Zvicra mbetet pa ambasador shqiptar, Mustafa Nano jep dorëheqjen
24 Dhjetor, 22:48 -
Binjakëzimi Mirditë- San Cosmo Albanese, Begaj: Iniciativë për të forcuar marrëdhëniet midis shqiptarëve
22 Dhjetor, 14:32 -
Presidenti Begaj: Media profesionale po sfidohet nga lajmet e rreme! Përdorni pushtetin me përgjegjësi, jepni dhe zërin e qytetarisë
19 Dhjetor, 21:46 -
Pas dekretimit nga Presidenti Begaj, ligji për Buxhetin e Shtetit botohet në fletoren zyrtare! Ja kur hyn në fuqi
19 Dhjetor, 18:51 -
Presidenti Begaj pret Këshillin e Diasporës: Vota e emigrantëve e rëndësishme, shteti duhet të mbrojë të drejtat tuaja!
18 Dhjetor, 15:58 -
Sondazhi: Cili është personazhi i vitit me më shumë ndikim në zhvillimet e vendit
16 Dhjetor, 12:21
-
Dita Ndërkombëtare e të Drejtave të Njeriut, presidenti Begaj: Secili nga ne mund të japë kontributin e tij, veçanërisht të rinjtë
10 Dhjetor, 10:08 -
Sot ‘Dita e Rinisë’/ Begaj: Frymëzohemi nga akti politik i 'Dhjetorit 1990', për të bërë realitet aspiratën 'E duam Shqipërinë si gjithë Evropa'
8 Dhjetor, 09:22 -
Presidenca ndriçohet nga dritat e festave, kreu i shtetit i ndez bashkë me fëmijët! Koncert dhe dhurata për të vegjlit
6 Dhjetor, 19:32 -
Zgjedhjet parlamentare 2025 do të mbahen më 11 maj! Presidenti Bajram Begaj dekreton datën: E nevojshme për të mundësuar votën e diasporës
5 Dhjetor, 15:41
