Presidentja Jahjaga dhe Kryeministri Thaçi theksuan se krijimi i Forcave të Armatosura të Kosovës është i domosdoshëm dhe një proces gjithëpërfshirës që nuk ka alternativë. Kosova duhet ta ketë forcën e vet mbrojtëse, e cila do ta plotësojë konsolidimin e shtetit kosovar dhe do të bëhet kontribuuese e sigurisë së popullit përmes anëtarësimit në NATO.
Kryeministri Thaçi e njoftoi Presidenten Jahjaga për konsultimet e vazhdueshme me subjektet politike për mundësinë e organizimit të zgjedhjeve të parakohshme në Kosovë dhe theksoi qëndrimin e tij që zgjedhjet të mbahen me 8 qershor, në pajtim me forcat e tjera politike.
Presidentja Jahjaga theksoi se do të vazhdojë të luajë rolin e saj si faktor uniteti politik në Kosovë, se do të respektojë Kushtetutën dhe ligjet e Kosovës, të cilat përcaktojnë mënyrën e shpalljes së zgjedhjeve, si dhe do të respektojë vendimin që do të arrihet në Kuvendin e Republikës së Kosovës nga subjektet politike të përfaqësuara në Kuvend.
Redaksia online
(esh/shqiptarja.com)
![](https://www.shqiptarja.com/template/img/sh_logo1.png)