Zgjedhjet lokale, nënkryetarja e PDK thirrje qytetarëve të votojnë pak minuta para mbylljes: Sot, ditë feste për demokracinë

Vlora Çitaku

Pak para mbylljes së votimeve për raundin e dytë të zgjedhjeve lokale në Kosovë, nënkryetarja e PDK, Vlora Çitaku, në një konferencë për mediat ka ftuar të gjithë qytetarët e komunave në balotazh që të shfrytëzojnë të drejtën e votimit para mbylljes në orën 19:00. Ajo tha se sot është një ditë feste për demokracinë dhe dita vendimtare kur qytetarët të japin verdiktin për të ardhmen katër vjeçare të komunave të tyre. Çitaku theksoi se këto zgjedhje lokale nuk janë për politikanët, por për qytetarët e Kosovës, të cilët me votën e tyre do ta fuqizojnë demokracinë dhe shtetin e Kosovës.

“Ka mbetur dhe pak kohë deri në mbylljen e vendvotimeve në komunat në balotazh. Sot është ditë feste për demokracinë, është dita vendimtare ku ju jepni verdiktin për të ardhmen katër vjeçare të komunave tuaja.  Prandaj, ju ftoj sërish të gjithë juve që keni të drejtë vote dhe nuk e keni shfrytëzuar ende, të dilni të votoni për ata që do të ju udhëheqin në 4 vitet e ardhshme. Bazuar në informacionet e marra nga vëzhguesit dhe komisionerët tanë, të angazhuar në tërë territorin e vendit, procesi zgjedhor po ecën mbarë, pa ndonjë parregullsi.  Edhe një herë, bëj thirrje që të shfrytëzoni kohën e mbetur deri në mbyllje të vendvotimeve dhe të dilni e të votoni dhe të zgjedhni udhëheqësit tuaj më të mirë. Shpresoj që në fund të ditës, demokracia të jetë fituesi më i madh i këtyre zgjedhjeve.” - tha ajo.


Lajmi kryesor:

Raundi i dytë i zgjedhjeve lokale në Kosovë/ Përfundon numërimi në shumicën e komunave, Albin Kurti humb thellë, merr vetëm katër komuna! LDK fiton në Prishtinë


M.Ç/Shqiptarja.com
  • Sondazhi i ditës:

    A duhet ta legalizojë Shqipëria kanabisin për qëllime mjekësore?



×

Lajmi i fundit

John

Trafik drogë nga Afrika drejt Spanjës, shkatërrohet organizata kriminale, mes të arrestuarve edhe një shqiptar! Sekuestrohet 1.6 ton hashash