X

POP 5

Lajmet më të lexuara të 5 minutave të fundit

Politikë

Zgjedhjet në FRPD, grupi i punës: Nis procesi për rifreskimin e strukturave në të gjitha nivelet! Fushata e anëtarësimeve, deri më 10 shkurt

Në një deklaratë për mediat, Ori Nebiaj bëri me dije se zgjedhjet e reja do të bëhen në përputhje me përcaktimet dhe detyrimet statutore, teksa shtoi se do të synohet gjallërimi në një nivel më të lartë të veprimtarisë politike të FRPD.

Grupi i Punës për organizmin e zgjedhjeve në FRPD ka bërë me dije se ka nisur puna për rifreskimin e strukturave në të gjitha nivelet. Në një deklaratë për mediat, Orjela Nebiaj tha se zgjedhjet e reja do të bëhen në përputhje me përcaktimet dhe detyrimet statutore, teksa shtoi se do të synohet gjallërimi në një nivel më të lartë të veprimtarisë politike të FRPD.

"Zgjedhjet e reja në do të bëhen në përputhje me përcaktimet dhe detyrimet statutore, në kuadrin e zgjedhjeve të përgjithshme periodike të Forumit Rinor të Partisë Demokratike. Këto zgjedhje do të synojnë gjallërimin në një nivel më të lartë të veprimtarisë politike të FRPD, nxitjen dhe gjallërimin e strukturave dhe intensifikimin e veprimtarisë publike e elektorale të tij në territoret që mbulojnë degët. Përmes tyre do të synohet zgjerimi dhe ripërtëritja e anëtarësisë së FRPD-së dhe hapja e mëtejshme e saj, duke vlerësuar dhe kontributin dhe angazhimin e të gjithë të rinjve që po dëshmojnë përkushtimin në mbështetje të realizimit me sukses të programit politik në nivel Qendror e Lokal si dhe shtresave elektorale mbështetëse të PD-së", u shpreh ajo.

Ajo sqaroi më pas se fushata e anëtarësimeve të reja do të zgjasë deri në 10 shkurt dhe se do të bëhen nëpërmjet aplikimeve në çdo degë të FRPD, të cilat i dorëzohen Grupit Qendror të Punës në përfundim të procesit.

Kriteret për kandidatët për t'u zgjedhur në strukturat drejtuese të FRPD në nivel lokal apo qendror janë:

•Të jetë individ me integritet të lartë moral dhe profesional

•Të ketë përfunduar arsim e lartë (ose ne proces per nivelet lokale)

•Të ofrojë shanse reale për të ngritur në një nivel të lartë veprimtarinë e FRPD

•Të mos jetë anëtar i Grupit të Punës i deleguar për procesin zgjedhor në FRPD

•Të mos jetë mbi moshën 30 vjeç

Afati i paraqitjes dhe propozimeve të kandidaturave për nivelin lokal dhe qendror pranë Grupit Qendror të Punës është deri më datë 31 janar 2022.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Interpelancë për emisionin e Rai-t, Rama: S'ka urgjencë për poshtërimin e radhës në parlament! Të mbarojmë punë me të vërtetën italisht, pastaj radha këtyre

Interpelancë për emisionin e Rai-t, Rama: S'ka urgjencë për poshtërimin e radhës në parlament! Të mbarojmë punë me të vërtetën italisht, pastaj radha këtyre

26 Prill, 13:08