Zgjedhjet në Himarë/ Gushti ktheu himariotët në vendlindje, rritet pjesëmarrja në votime! Votuan 8333 zgjedhës

Në Himarë sot janë mbajtur zgjedhjet për kryetarin e ri të bashkisë, ku qytetarët votuan për të zgjedhur mes Vangjel Tavos, kandidat i Partisë Socialiste dhe Petro Gjikurisë, kandidat i opozitës.

Sipas KQZ, në zgjedhjet për Kryetar të Bashkisë Himarë të datës 4 gusht 2023, votuan 8333 zgjedhës, ose 37.69% e totalit të 23.074 zgjedhësve në listë, ndërsa raportuan 34 nga 36 QV në total. 

Deri më orën 18:00 u raportua se pjesëmarrja ishte 8394 votues, ose 36 % e votuesve, në total 23074, ndërsa numri i votuesve deri në këtë orë ishte 2% më shumë se në zgjedhjet lokale të 14 majit 2023.

Sipas KQZ, në 14 majin e vitit 2023 në Himarë votuan 7821 persona, ose 34.27%, ku Fredi Beleri mori 3840 vota, vetëm 19 vota më shumë se rivali socialist Goro, i cili mori 3821 vota.

Pjesëmarrja duket të jetë natyrshëm më e lartë krahasuar me zgjedhjet e kaluara të muajit maj, për arsyen e thjeshtë të kohës dhe momentit kur mbahen zgjedhjet e kësaj radhe.

Muaji gusht është momenti kur qytetarët e Himarës kthehen në vendlindje, për të qëndruar gjatë me familjarët e tyre, apo për të shijuar e shfrytëzuar sezonin veror.

Lajmi kryesor:

LIVE- Himara pret emrin e kryetarit të ri, drejt fundit dorëzimi i kutive në KZAZ e numërimit! Pjesëmarrja 37.6 %, më e lartë se vjet! 6 mijë zgjedhës në listë me ID të skaduar

S.B/Shqiptarja.com

TAG:
• Petro Gjikuria
• himare
• zgjedhjet e pjesshme ne himare
• Vangjel Tavo