POP 5

Lajmet më të lexuara të 5 minutave të fundit

Politikë

Zgjedhjet në Kukës, KQZ miraton fletën e votimit! Kandidati i PS do të mbajë numrin 1, ai i ‘i 'Bashkë Fitojmë' do të ketë numrin 2

Qytetarët e Kukësit do t’i drejtohen kutive të votimit për të zgjedhur kryebashkiakun e ri. Kandidati i PS do të mbajë numrin 1 në fletën e votimin, ndërsa ai i ‘Bashkë Fitojmë’ do ketë numrin 2.

TIRANË- Komisioni Qendror i Zgjedhjeve ka miratuar fletën e votimit për zgjedhjet që do të mbahen në Kukës më 24 shtator. Po ashtu, KQZ ka miratuar edhe renditjen e kandidatëve, ku numrin një në fletën e votimit do e mbajë kandidati i PS, Albert Halilaj, ndërsa Emri Vata i 'Bashkë Fitojmë' do të ketë numrin dy.

Në fletën e votimit do vendoset emri i kandidatit si edhe logo e subjektit politik dhe koalicionit zgjedhor në rastin e Bashkë Fitojmë. Më 24 shtator qytetarët e Kukësit do t’i drejtohen kutive të votimit për të zgjedhur kryebashkiakun e ri, pas skandalit seksual të Safet Gjicit.

Edhe në këto zgjedhje, tentativa e Sali Berishës për t’u përfaqësuar me logon zyrtare të PD-së në zgjedhje dështoi sërish. KQZ nuk pranoi që ta regjistrojë Berishën me logon e PD, pasi këtë të drejtë e ka vetëm Lulzim Basha si kryetar i PD. KQZ regjistroi koalicionin “Bashkë Fitojmë” mes Partisë së Lirisë dhe Partisë Demokristiane, ndërkohë kandidati Vata ka dalë nga procesi i primareve të Rithemelimit. 

Pavarësisht përpjekjeve, edhe në këto zgjedhje kandidati i Berishës, sikurse ndodhi më 14 maj do të strehohet nën logon e partisë së Ilir Metës dhe koalicionit “Bashkë Fitojmë”. Nga 14 maji, ndryshon vetëm aleati, këtë herë Meta e Berisha kanë zgjedhur jo Dulen por Nard Ndokën. Ndërkohë, PD e Bashës vendosi që mos të dalë me kandidat për të mos thelluar përçarjen. 

 

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51