POP 5

Lajmet më të lexuara të 5 minutave të fundit

Politikë

Zgjedhjet në PD/ Dasho Aliko i Lazaratit do të drejtojë demokratët e Gjirokastrës

Dasho Aliko zëvendëson në këtë post, Roland Bejkon i cili e ka drejtuar këtë degë për katër vite. Të dy, si Aliko dhe Bejko vijnë nga Lazarati, fshati i cili për gati 2 dekada u zhvillua duke mbjellë dhe trafikuar kanabis.

Demokratët e Gjirokastrës do të drejtohen nga Dasho Aliko, ish-kryekomunari i fshatit Lazarat. Sot ka përfunduar procesi zgjedhor, ku Aliko ka fituar përballë Gjergj Dudit me një diferencë të thellë.  

Report Tv ka mësuar se në këtë proces zgjedhor kanë marrë pjesë 255 delegatë nga të tre njësitë vendore, Bashkia Gjirokastër, Bashkia Libohovë dhe Bashkia Dropull.

Pas procesit të votimit që zgjati dy orë, në fund janë numëruar fletët e votimit ku Dasho Aliko ka dalë fitues me 166 vota kundrejt 76 vota të Gjergji Dudit ndërkohë që janë konstatuar 13 vota të pavlefshme. Procesin zgjedhor të PD, e ka monitoruar dhe ndjekur nga afër deputeti i PD për Qarkun e Gjirokastrës Tritan Shehu.

Dasho Aliko zëvendëson në këtë post, Roland Bejkon i cili e ka drejtuar këtë degë për katër vite. Të dy, si Aliko dhe Bejko vijnë nga Lazarati, fshati i cili për gati 2 dekada u zhvillua duke mbjellë dhe trafikuar kanabis.

Aliko, ndërkohë ka ‘qeverisur’ për disa vite rresht Lazaratin, dhë në vitin 2014, prokuroria e përfshiu në listën e personave që do të procedoheshin penalisht. Pavarësisht hetimeve, emri i Alikos, u bë sërish publik në kryeqytet dy vite më parë, kur u konfliktua fizikisht me një nga këshilltarët e PS në bashkinë e Gjirokastrës.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Ndahet nga jeta në moshën 88-vjeçare ish-kryeministri grek, Kostas Simitis

Ndahet nga jeta në moshën 88-vjeçare ish-kryeministri grek, Kostas Simitis

5 Janar, 07:42