Zgjedhjet në PD, Paloka: Brenda
15 ditëve, zgjedhje në 35 degë

Brenda 15 ditëshit të parë të këtij muaji  strukturat në bazë të Partisë Demokratike  do të  votojnë për zgjedhjen e të paktën  35 kryetarëve të degëve  në të gjithë vendin. 

Ndërsa ky proces u shoqërua me kundërshti të forta të ish-kryetarëve në 21 degët ekzistuese dhe për krijimin e 14 degëve të reja, ky proces tashmë  është drejt përfundimit. 

Sipas urdhrit të kryetarit Basha që mban datën 29 prill, brenda 30 qershorit strukturat në bazë do të mbyllnin procesin e riorganizimit për të  futur në garë procesin për zgjedhjen e kryetarëve të rinj.

Nënkryetari i PD,  Edi Paloka,  i cili drejton procesin për Tiranën në  disa degë të saj, thotë se tashmë procesi është në një tjetër fazë atë të votimit dhe zgjedhjes së kryetarëve të degëve. 

Tashmë drejtuesit e  grupeve të punës kanë raportuar pranë kryetarit Basha për këtë proces që zgjati 2 muaj.

“Jemi afër përfundimit. Procesi më i rëndësishëm për të cilin e nisëm këtë procedurë pothuajse ka mbaruar, pasi është evidentimi real i anëtarësisë së PD, aktivizimi real i tyre,kemi ngrelur në hapat e para që janë aty ku do të zhvillohen, në zgjedhjen e kryetarëve të rinj të degëve” tha Paloka.


Pas humbjes së zgjedhjeve lokale në pjesën më të madhe të bashkive, kryetari i PD dhe pas vendimit të kryesisë së PD vendosën për të çuar në proces zgjedhor  21 degë ekzistuese të PD si dhe duke krijuar 14 degë të reja.

Kjo mënyrë riorganizimi  i strukturave të PD solli  edhe largimin e  kryetarëve në degët  ekzistuese, për të cilët u la e hapur mundësia e rikandidimit brenda strukturave.

Redaksia Online
(F.T/shqiptarja.com)