Zgjedhjet në PE, ekstremistët e
djathtë "tërmet politik" në Francë

Euroskeptikët dhe partitë e ekstremit të djathtë kanë fituar terren në zgjedhjet parlamentare evropiane, në atë që kryeministri francez e quajti “tërmet politik”.
 
Fronti kombëtar në Francë dhe partia e Pavarësisë në Britani kanë arritur rezultate të mira në këto zgjedhje, ndërkohë që tre blloqet e mëdha të qendrës humbën të gjitha pozicione në parlament. Këto rezultate do të thonë një zë më i fortë për ata që duan të kufizojnë kompetencat e BE, ose që duan ta shfuqizojnë atë plotësisht.

Bazuar në rezultatet e parakohshme në Francë Fronti Kombëtar ka arritur një fitore deri në 25%, Bashkimi për Lëvizje Popullore e qendrës së Djathë 21%, ndërsa Partia Socialiste e presidentit Hollande 14%, rezultatet më të ulta në historinë e Parlamentit Evropian për këtë parti.

Në Britani euroskeptikët e Partisë së Pavarësisë mbajnë vendin e parë me 27%, konservatorët me 24% dhe laburistët 25% të votave.

Në Itali partia e qendrës së majtë e kryeministrit Renzi ka marrë 40% të votave, partia e Beppe Grillo-s 22%, ndërsa partia “Forza Italia” e ish-kryeministrit Berlusconi 16%. 

Partia e Bashkimit Kristian e Angela Merkel në Gjermani fitoi prapë në këto zgjedhje me 35%, ndërsa partia Socialdemokrate e qendrës së majtë 27%. Euroskeptikët e Alternativës gjermane morën 7% të votave.

Ndërsa rezultatet e deritanishme në Greqi tregojnë se partia e ekstremit të majtë Syriza ka fituar me 26%, Demokracia e Re e kryeministrit Antonis Samaras me 23%, ndërsa Agimi i Artë duket se do fitojë tre vende në parlamentin evropian me 9% të votave.

Redaksia Online
(Gre.M/Shqiptarja.com)