POP 5

Lajmet më të lexuara të 5 minutave të fundit

Arkiva

Zgjedhjet në PE, partitë pro-BE 
vijojnë të kryesojnë Parlamentin

Parlamenti me 751 vende është institucioni i vetëm i zgjedhur me votë popullore në Bashkimin Europian 28-anëtarësh. Partitë e mëdha tradicionale pro-BE, pas zgjedhjeve që porsa u zhvilluan për disa ditë, do të vazhdojnë të mbeten grupi qendror në Parlament.Renzi arrin fitore bindëse, surprizë Franca e Anglia Greqi, opozita fiton 6 vende në PE nazistët e komunistët, 2 vende secili Ademi: Fitorja e Renzit, shpresë edhe për ne
TIRANE- Parlamenti me 751 vende është institucioni i vetëm i zgjedhur me votë popullore në Bashkimin Europian 28-anëtarësh. Partitë e mëdha tradicionale pro-BE, pas zgjedhjeve që porsa u zhvilluan për disa ditë, do të vazhdojnë të mbeten grupi qendror në Parlament.

PPE-ja e djathtë parashikohet të sigurojë 212 vende, të cilat janë vërtet më pak se 274, që kishte deri tani, por konsiderohen të mjaftueshme për t’u shfaqur në vazhdimësi si blloku kryesor i legjislaturës europiane. Pas votimit, PPE konfirmohet si mazhorancë relative me 28.5%. Në vend të dytë renditen Socialdemokratët me 25.17% ose 189 mandate deputetësh. Ndërsa në total janë 142 deputetët e partive të reja, ultra të djathta, ultra të majta dhe euroskeptike.

Në vend të tretë kanë dalë Liberal-Demokratët me 8,79% ose 66 mandate, të katërtit janë Të Gjelbrit me 6.92% ose 52 mandate. Me 46 deputetë ose 6.13% renditen në vend të pestë konservatorët, ndërsa të majtët e Bashkuar kanë marrë 42 mandate me 5.59% të votave. 

Rezultati i zgjedhjeve europiane, më fort se sa në nivel blloku, do të ndihet në politikat kombëtare, duke i shtyrë partitë konservatore edhe më shumë nga e djathta, e duke rritur presionet për frenimin e emigracionit.
Pas zgjedhjeve të zhvilluara këtë fundjavë, Parlamenti i ardhshëm Europian do të ketë një punë të vështirë përpara, me një numër të madh çështjesh që kërkojnë zgjidhje, pasi përbëjnë një rrezik politik dhe ekonomik për Unionin.

Çështja kryesore me të cilën do të përballet parlamenti i ardhshëm do të jetë Euroskepticizmi. Në zgjedhje është vënë re një ndjenjë në rritje anti-BE, në shumicën e vendeve europiane, për shkak të krizës që ka gjunjëzuar Eurozonën dhe masave shtrënguese që janë aplikuar nga qeveritë. Çështja e dytë më e rëndësishme është rritja ekonomike. Në BE Prodhimi i Brendshëm Bruto u rrit vetëm me 0.3% në tre muajt e parë të këtij viti, ndërsa ekonomia e Eurozonës me 0.2%.   

zgjdhjet ne parlamentin europian votat
(Në foto: Partitë kryesore fituese në zgjedhjet në PE)

Redaksia Online
(d.a/shqiptarja.com) 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03