POP 5

Lajmet më të lexuara të 5 minutave të fundit

Bota

Zgjedhjet në SHBA/ Eminem dhe Obama apel qytetarëve për të votuar Harris

Fushata elektorale e Kamala Harris vijoi në Detroit të Michiganit, një nga 7 shtetet kyçe për rezultatin e 5 nëntorit. Votën për presidenten e kërkuan dy gjigandë të politikës dhe muzikës. Barak Obama dhe reperi Eminem elektrizuan të pranishmit më vargjet e “Lose yourself” Luz Jorself.

Mitingu elektoral i radhës i Kamala Harris ishte në Detroit në Michigan një nga 7 shtetet kyçe që pritet të përcaktojnë fituesin drejt Shtëpisë së Bardhë. Njësoj si disa muaj më parë me këngëtaren e famshme Taylor Swift, zëvendëspresidentes e cila kërkon mandatin e presidentes, iu bashkua si mbështetës një tjetër yll I muzikës amerikane dhe botërore, reperi Eminem, i cili iu bashkua mitingut që zhvillohej në vendlindjen e tij Detroit,

"Unë mendoj se zëvendëspresidentja Harris mbështet një të ardhme për këtë vend ku këto liri dhe shumë të tjera do të mbrohen dhe mbështeten", tha Eminem.

Reperi 52 vjeçar ftoi më pas ish presidentin Obama, i cili javët e fundit ka qenë i rregullt në daljet e tij mbështetëse të Kamala Harris. Ish presidenti shfrytëzoi vargjet e një kënge të Eminem për të nisur mesazhet e tij.

Edhe në Michigan ka nisur votimi i hershëm. Të dy personalitetet bënë thirrje që të dilet masivisht në votim pasi në lojë është e ardhmja dhe liria.

Xh.K/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    PD proteston duke bllokuar rrugët kryesore në vend, si e vlerësoni?

Lajme të tjera



×

Lajmi i fundit

Çmimet e qumështit dhe kosit në Kosovë 2 herë më të ulta sesa në Shqipëri

Çmimet e qumështit dhe kosit në Kosovë 2 herë më të ulta sesa në Shqipëri

28 Tetor, 09:40 nga Enea Janko