Zyrtarë të inteligjencës amerikane kanë paralajmëruar të martën se “aktorë të huaj” prej Rusisë, Kinës dhe Iranit, synojnë përhapjen e narrativave për t’i përçarë amerikanët para zgjedhjeve presidenciale të 5 nëntorit në Shtetet e Bashkuara.
Zyrtarët u kanë thënë gazetarëve se individë prej këtyre vendeve kanë marrë mësime nga proceset e kaluara zgjedhore në SHBA, dhe janë më të përgatitur për të nxitur trazira.
Sipas tyre, këta individë mund të konsiderojnë mundësinë e kërcënimeve fizike dhe dhunës, dhe ka mundësi që të kryejnë operacione dezinformimi, për të krijuar pasiguri dhe për të minuar procesin zgjedhor.
“Disa aktorë të huaj kanë kapacitet për të nxitur protesta dhe për të kryer aksione të dhunshme në periudhën pas zgjedhjeve. Irani dhe Rusia kanë gatishmëri që t’i shqyrtojnë këto taktika që mund të kontribuojnë në dhunë”, ka thënë një anëtar i Zyrës së Drejtorit për Inteligjencë Kombëtare, në kushte anonimiteti.
Sipas zyrtarëve amerikanë, ndonëse Rusia, Kina dhe Irani përbëjnë kërcënimin kryesor për aktivitete të tilla, nuk kanë parë ndonjë sinjal bashkëpunimi mes tyre.
Ata kanë përmendur se pavarësisht përpjekjeve të tilla, sistemi amerikan i votimit është i sigurt dhe se askush nuk do të mund të ndryshojë rezultatin.
Të tria shtetet kanë hedhur poshtë pretendimet se po synojnë të ndikojnë në zgjedhjet amerikane.
Zyrtarët amerikanë kanë përmendur se individë prej këtyre tri shteteve po përdorin inteligjencën artificiale për të gjeneruar përmbajtje në rrjetet sociale.
Agjencitë amerikane të inteligjencës kanë thënë që disa muaj se Rusia do të preferonte që ish-presidenti amerikan, Donald Trump, kandidat i republikanëve, të fitonte zgjedhjet.
Zyrtarë të inteligjencës kanë thënë se presin përforcim të protestave nga ana e Rusisë, nëse kandidatja e demokratëve, Kamala Harris, do t’i fitojë zgjedhjet.
Aktualisht gara mes dy kandidatëve është shumë e ngushtë, dhe ata po bëjnë fushatë të vazhdueshme për t’i bindur votuesit që të rreshtohen në kampet e tyre./ REL
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Kryediplomati i ardhshëm amerikan, Marco Rubio dhe politika e jashtme
23 Nëntor, 18:05 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03
