Gara për kryesimin e këtij forumi në degët e tij ka nisur mbrëmë në Tiranë në degën numër 5 për t’u shtrirë në 53 degë të FRPD-së, në të gjithë Shqipërinë.
Gjatë zgjedhjeve të mbrëmshme kryetari i Partisë Demokratike Lulzim Basha ka risjellë në vëmendje domosdoshmërinë e zgjedhjeve të lira, votës së lirë dhe respektimit të çdo vote, si në garën brenda partisë ashtu edhe në garat ndërpartiake.
Gara tashmë do të vijojë edhe në degët e tjera ku kandidatët do të kenë kohën e duhur për të bërë fushatë brenda forumit, në mënyrë që të zgjidhen në krye të tij në çdo degë.
Këto zgjedhje vijnë menjëherë pas zgjedhjes së Belind Këllçit në krye të Forumit Rinor të Partisë Demokratike, garë e cila u bë në të gjithë vendin, sipas një platforme të re e cila është zbatuar për herë të parë në këtë forcë politike.
Redaksia Online
(F.T/shqiptarja.com)