RUMANI - Rumunët shkojnë drejt zgjedhjeve parlamentare të cilat pritet të fitohen nga bashkimi social liberal i kryeministrit Victor Ponta.

Votimet e së dielës do të monitorohen nga shumë pranë për shkak se Rumania shpreson të marrë një kredi të re nga Fondi Monetar Ndërkombëtar pasi paketa aktuale prej 5 miliard euro përfundon vitin e ardhshëm.

Ndonjë papritshmëri politike mund të ndikonte menjëherë në fatin e kësaj kredie dhe padyshim në ecurinë ekonomike të vendit të dytë më të varfër të familjes evropiane. Ponta ka premtuar se do të lehtësojë masat e shkurtimeve dhe të afrojë pagat me nivelin e atyre të Bashkimit Evropian.

“Jam plotësisht i sigurt se ne mund të rrisim pagat minimale me qëllim që të arrijmë tek minimumi i të ardhurave të qytetarëve të Evropës”, -u shpreh Ponta.

(dm/Gre.M/Shqiptarja.com)