POP 5

Lajmet më të lexuara të 5 minutave të fundit

Kronikë

Zgjedhjet/ Policia në gatishmëri, 8000 forca në terren! Regjistri i krimeve elektorale, akses uniformat blu dhe KQZ

Afro 8000 punonjës të Policisë së Shtetit do të jenë në gatishmëri për të ofruar siguri e rend ditën e votimit dhe përgjatë procesit zgjedhorë në vend. ReportTv mëson se kryepolici Ardi Veliu ka firmosur urdhrin ndërsa pritet të prezantohet edhe salla operative e monitorimit të procesit zgjedhor në Policinë e Shtetit. 

Policia e Shtetit e cila ka kaluar në gatishmëri nisi të marrë në ruajtje objektet ku janë vendosur komisionet zonale zgjedhore, materialet e votimit dhe qendrat e numërimit të votave.

Sipas rregullores të miratuar më herët nga Komisioni Qendror i Zgjedhjeve për sigurinë e rend dhe angazhimin e policisë në zgjedhje, trupës policore nuk i lejohet të afrohet në një distancë prej 150 m largësi nga ambientet zgjedhore me përjashtim kur ndërhyrja e saj kërkohet nga administrata e zgjedhjeve.

Punonjësit e policisë do të kenë uniformën e tyre, armatimin e përcaktuar me një urdhër të drejtorit të përgjithshëm të policisë si dhe badge identifikues me të dhënat e emër mbiemër dhe kujt komisariati i përket.

ReportTv mëson se do të jenë afër 8 mijë punonjës policie që do të angazhohen për siguri e rend përgjatë ditës së zgjedhjeve dhe deri në certifikimin e rezultatit sipas ecurisë së procesit të numërimit.

Aktualisht disa qendra janë marrë nën ruajtjen e policisë ndërsa për herë të parë është krijuar dhe regjistri elektronik ku do të raportohet çdo incident apo krim zgjedhor që uniformat blu do të konstatojnë sipas KZAZ-ve ku ata do të jenë dislokuar.

Përgjatë ushtrimit të detyrës që lidhet me zgjedhjet e gjithë trupa policore do të ketë edhe librin e kujtesës një kuadër ligjorë me rregullat e sjelljes së policisë i përgatitur nga OSBE dhe vënë në dispozicion policisë së shtetit pak ditë më parë.

Ndërsa në gatishmëri sipas burimeve për Report Tv ka kaluar edhe trupa policore e drejtorisë së burgjeve.

(Rregullat e Policisë së Shtetit)

K.T./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Tayna tregon momentin e arrestimit në Zvicër: Qëndrova 5 orë në burg

Tayna tregon momentin e arrestimit në Zvicër: Qëndrova 5 orë në burg

26 Dhjetor, 14:35