Bamir Topi i ftuar në emisionin  “Versus” të gazetarit Artur Nura u shpreh se faktori Europian mban një qëndrim të dyfishtë, pasi duan ta mbajnë Ramën në Pushtet.
 
“Unë kam kërkuar për drejtësi  në ditën e zgjedhjeve, kam ngritur zërin edhe kur kam qënë president i vendit, rregullat janë të mirëpranuar në demokraci”,ka thënë Kreu i FRD.

I pyetur se cili  është vlerësimi  për ndërkombëtarët, ai tha se, “ndërkombëtarët kuptojnë shumë gjëra, por nuk e thonë, për aq kohë sa nuk ndërhyjnë e kuptojnë se për fat të keq situata do të vazhdojë për shumë kohë”.

Ish-presidenti ka komentuar dhe çadrën e PD-së, ku thekson se ajo ishte një dështim i madh për Bashën dhe përkrahësit e tij.

Gjithashtu ai shprehet konfuz dhe thotë se nuk kupton se çfarë i shqetëson shqiptarët duke shtuar se,  “ata nuk kanë marrë vesh akoma se këta, pra politikanët nuk mendojnë për standardet dhe problematikat që ato i shqetësojnë. Problemi kryesorë në Shqipëri është konformizmi”.

Për marrëveshjen Rama-Basha ai tha se 18 maji ,është  problemi më i madh përsa i përket  produkti politik në Shqipëri.

“Këto janë dy politikanë me peshë në faktorin e politik-bërjes , por nuk kanë dhënë kontribut për zgjedhësit”, tha Topi.

Topi tha se Basha është njeriu më i anatemuar dhe më i sulmuar, si brenda ashtu dhe jashtë strukturave të PD-së.  

Kreu i FRD-së tha se, Rama mendon për bipolarizim, ndaj shikoj një mospërputhje midis koshiencës, pra ka një mospërputhje mes mendimeve dhe asaj që shpreh.

“Politika e Sali Berishës ka rënë, kemi një dominancë të së majtës në tërësi me afro 100 deputet, ndërsa djathtas kanë mbetur afro 40 deputetë”, përfundoi Bamir Topi.
 
Redaksia Online
n.m/Shqiptarja.com